Savali I Totonu O Lona Malamalama


Aso Gafua 1

Savali I Totonu O Lona Malamalama​

Sa ia te ia le ola; o le ola fo’i o le malamalama lea o tagata. Ua pupula mai fo’i le malamalama i le pouliuli, ae le’i manumalo i ai le pouliuli (Ioane 1:4-5).

Ile Ioane 8:12, fetalai Iesu, “...O a’u nei o le malamalama o le lalolagi; o le mulimuli mai ia te a’u, e le savali o ia i le pouliuli, ae ia te ia le malamalama o le ola.” O lo o faapea fo’i i le Ioane 9:5, fetalai o Ia, “Manu ou i ai i le lalolagi, o a’u o le malamalama o le lalolagi.” O le malamalama na te faamatalaina, faamalamalamaina ma faapupulaina so’o se mea. Molimau le fai Salamo i le Salamo 119:105, “O lau a oga o le sulu lea i o’u vae, ma le malamalama i lo’u ala.”

O se soifuaga e le o i ai Keriso, o se olaga lea i le lalolagi o le pouliuli ma le leai o se faamoemoe. E le mafai ona e iloa lou tagata i fafo atu o Ia, aua ua na o Ia – o lona malamalama – ua avea ma faaaliga o ou uiga ma le ata o lou tagata moni. Fai mai le Tusi Paia o lo o ia te Ia le puna o le ola: o Lona malamalama tatou te iloa ai le malamalama (Salamo 36:9). Aleluia!

Afai e te faaaogaina moli (malamalama) uma o le lalolagi e faamatalaina ai lou olaga, e mautinoa o le a e vaaia se ata e te le a a pe malie i ai. A o lou ata i Lona malamalama, e tumu oe i le matago e ma le mamalu. O le malamalama a le Atua – o Lona Upu – e faaalia mai ai lou tagata moni, o mea ua ia te oe, ma le malosi ua e maua ia Keriso. Atonu e te faaaogaina fa’ata a le falema’i (X-rays) ma e iloa atu ai ponaivi o le tagata po’o isi tulaga o le tino, ae ua na o le Upu e iloa atu ai Le o silisili o lo o soifua i totonu ia te oe.

E le gata i le faailoa atu ia te oe lou to ma lou aia tatau ia Keriso, e faatupuina fo’i e le Upu i totonu ia te oe se suiga e alatutusa ma le feau e te tauaveina. I le ma lenei, e ta’ita’iina ma fasino ala e le Upu lou olaga aga’i i le nagalo atoatoa o le Atua mo lou olaga, tuuina atu ia te oe le poto e faataunuuina ai Lona nagalo.

A e su’esu’e ma mafaufau toto’a i le Upu a le Atua, e te maua ai le malamalama i le tulaga tonu o mea e tatau ona e faia i lenei tausaga. E maua ai e oe le malamalama i faamoemoe lelei ua tatau ona faatulaga, ma laasaga ina ia faataunuu ai na tulaga. E te maua ai fo’i le malamalama ma le poto e te feagai ai ma tulaga e tau i le olaga. E te savali ai i le manuia, soifua maloloina, tamaoaiga, lemu, ma le malosi pe afai e te savali ma vaai e ala i le Malamalama o le Atua – o Lana Upu lea.

Tautinoga

Ua ou savali i le ala o le ola, faataunuuina ai le finagalo atoatoa o le Atua mo lo’u olaga. Ua i lo’u agaga le malamalama o le Atua, ina ia ou iloa ma savali ai i lo’u tofi ia Keriso Iesu. Faafetai Tama Peleina, mo lou ta’ita’iina o a’u e ala i lou malamalama, i ala silisili ma le lelei, i le Suafa o Iesu. Amene.

Su’esu’e Atili:

Salamo 119:130; Isaia 2:5

Faitauga Tusi Paia Mo Le Tausaga e 1

Mataio 1, Kenese 1-2

Faitauga Tusi Paia Mo Le Tausaga e 2

Galuega 5:33-42, Neemia 3

Leave comments on today's devotional www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook