Fakanofo Ko e Faime’a Lahi


Tūsite 2

Fakanofo Ko e Faime’a Lahi

Pea ʻe tatau ia mo e ʻakau kuo tō ki he veʻe vaitafe, ʻaia ʻoku ʻomi hono fua ʻi hono faʻahitaʻu; pea ko hono lau foki ʻe ʻikai mae; pea ko ia kotoa pē ʻoku ne fai ʻe monūʻia (Saame 1:3).

Na’e ‘omi kitautolu ‘e Sisū ki he mo’ui ‘o e mālohi, faime’a lahi, mo e fakahoko me’a lahi. ‘Oku fakahā’i ‘a e mo’oni ko eni ‘ia Sione 15:16 ‘a ia na’a Ne fakahā ai, “Naʻe ʻikai te mou fili au, ka kuo u fili ʻakimoutolu, ʻo tuʻutuʻuni ʻakimoutolu, ke mou ʻalu atu, ʻo maʻu ʻa e fua, pea ke tolonga homou fua: koeʻuhi ko ia kotoa pē te mou kole ki he Tamai ʻi hoku Huafa, ke ne foaki kiate kimoutolu.” ‘Oku Ne faka’ilo kiate koe kuo fili koe, fakanofo, fekau’i mo tukupau ke ‘omi ‘a e ngaahi fua ‘e tolonga ta’engata.

‘Oku ‘uhinga eni kuo Ne ngaohi koe ko e faime’a lava mo e ‘aonga lahi: “Ka te mou maʻu ʻa e mālohi (mafeia, faime’a lava, mo e mālohi), ʻoka hoko mai ʻa e Laumālie Māʻoniʻoni kiate kimoutolu” (Ngāue 1:8AMP). Ko e tukunga ‘atamai ‘eni keke fai ‘aki ho ngāue kotoa pē ‘i he ta’u ni. ‘Oku kehe taimi ni ‘a e me’a kotoa. ‘Oku ai ‘a e kelesi lahiange kiate koe. ‘Oku faingāue ‘a e ‘Eiki ‘iate koe ke fakaloto’i mo fakahoko ‘a ia ‘oku Ne fiemālie mo fiefia ai (Filipai 2:13).

Toe lau ange ‘a e fakamatala faka’ofo’ofa ‘a e tangata Saame ki he mo’ui makehe ko eni ‘o e faime’a lahi mo e lelei ‘aupito kuo ‘omi koe ki ai ‘e he ‘Otua: “Pea ʻe tatau ia mo e ʻakau kuo tō ki he veʻe vaitafe, ʻaia ʻoku ʻomi hono fua ʻi hono faʻahitaʻu; pea ko hono lau foki ʻe ʻikai mae; pea ko ia kotoa pē ʻoku ne fai ʻe monūʻia” (Saame 1:3). Ngaohi eni ko ho fakalaulauloto faka’aho mo e me’a ‘oku ke lea’aki. Talaki ma’u pē, “Ko e fu’u ‘akau au ‘oku tu’u ‘i he ve’e vaitafe ‘o e ngaahi vai, pea ‘oku ou fakafua mai ‘a e ngaahi ola lelei ‘aupito. ‘Oku ou fua lahi mo fakahoko me’a lahi!”

‘Oku ke lava fai ha me’a pē; ‘e lava keke hoko ko ha me’a pē; ‘oku ke lava ma’u ha me’a pē; ‘oku ke lava ‘alu ki ha feitu’u pē; ‘oku ke lava hokosi ‘a ia pe te ke fili ki ai. Ko e mo’ui eni kuo foaki ‘e he ‘Otua kiate koe; ko e mo’ui ‘o e mā’oni’oni mo e ‘eikipule; ‘a ia ‘oku ke fakalāngilangi mo fakafiemālie Ia ‘aki ho fualahi ‘i he ngaahi ngāue lelei kotoa pē, ‘i ho’o tupulaki ‘i he ‘ilo‘i ‘o Ia.

Lea’aki

‘Oku fakamālohi’i au, fakatu’uma’u, mo fakaivia ki he ikuna, lavame’a mo e lelei ‘aupito fou ‘i he mālohi ‘o e Folofola ‘a e ‘Otua, mo e mafi ‘o e Laumālie. Kuo fakanofo au ki he mo’ui ‘o e fualahi mo e fakahoko me’a lahi, ‘ou lakalakaimonū ‘i he ‘afio’anga ‘o e ‘Eiki, ‘ou ‘omi ‘a e ngeia, mo e ngaahi fualahi lelei kiate Ia ‘i he mā’oni’oni. Fakafeta’i ki he ‘Otua!

Fakalahi Ako:

Saame 92:12-14; Palōvepi 11:28; Selemaia 17:7-8

LAU TOHITAPU TA‘U 1

Mātiu 2, Senesi 3-5

LAU TOHITAPU TA‘U 2

Ngāue 6:1-8, Nehemaia 4-5

Leave comments on today’s devotional at www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook