Manumalo Tumau Ma Le Mamalu Ia Keriso Iesu


Pulelulu 3

Fa’a Ikuna Mo e Nāunau ‘Ia Kalaisi Sisū

Pea ko eni, fakafetaʻi ki he ʻOtua, ʻaia ʻoku ne foaki ke mau faʻa ikuna ʻia Kalaisi, pea ʻoku ne fofola

atu ʻa e ngangatu ʻo ʻene ʻilo ʻiate kimautolu ʻi he potu kotoa pē (2 Kolinitō 2:14).

Kiate kinautolu ‘oku ‘ilo’i ‘a e Kosipeli ‘o Sisū Kalaisi, mo e ‘uhinga na’e ha’u ai ‘a Kalaisi, ‘oku ‘ikai fonu ‘enau mo’ui he “’alu hake mo e tō hifo,” ka ko e mo’ui ‘o e fa’a ikuna mo e nāunau ‘ia Kalaisi Sisū. Koe’uhi ko e fānau koe ‘a e ‘Otua, kuo ui koe ke mo’ui ‘i he ‘aho kotoa ho mo’ui ‘i he lāngilangi; ‘i he ikuna ki he ngaahi me’a kotoa pē. Ko ho tofi’a ‘a e mo’ui ikuna, he kuo ‘ohi hake koe ‘e he ‘Otua, mo ngaohi koe keke nofo fakataha mo Kalaisi ‘i he ngaahi potu fakalangi (‘Efesō 2:6).

‘Oku ke nofo fakataha mo Kalaisi “...ʻO māʻolunga lahi ʻaupito ʻi he ngaahi pule kotoa pē, mo e mālohi, mo e māfimafi, mo e ʻeikiʻanga mo e hingoa kotoa pē ʻoku ui ʻaki, ʻikai ʻi he māmani pe, ka ʻi he maama ko ia foki ʻe hoko” (‘Efesō 1:21). ‘Oku ke nofo laka hake ‘aupito ki he tevolo mo ‘ene kautau ‘o e pō’uli, mo e ngaahi me’a tukuhifo mo’ui ‘o e mamani. Kuo ke ‘osi iku’i ‘a kinautolu! Ma’u ‘a e tukunga ‘atamai ‘e ‘ikai lava iku’i koe pē faingatamaki.

‘Oku ‘ikai ha me’a ‘i mamani ‘e lava ola lelei ‘oku ne fakafepaki’i koe, koe’uhi “...’oku lahi ‘a Ia ‘oku ‘iate koe, ‘iate ia ‘oku ‘i mamani“ (1 Sione 4:4). Kuo ‘osi fakahaofi koe, mo hiki, mei he mālohi ‘o e po’uli, mo ‘ave koe ki he Pule’anga ‘o e ‘Alo ‘ofa’anga ‘a e ‘Otua, ‘a Ia ‘oku ne foaki ma’a kitautolu ‘a e fa’a ikuna ‘i he mo’ui; ko e fakatētē fakafiefia ‘o e mo’ui ikuna!

Tu’u to’a ‘i he tui ‘o fakafepaki ‘a e puke, mamahi, masiva, mate, Setane, mo e ‘ene ngaahi fakatauele. Pukema’u ho ikuna ‘ia Kalaisi Sisū. Ko e mo’ui tu’ukimu’a ta’e-tatau ‘a e mo’ui ‘ia Kalaisi; ko e fakae’a faka’aho ‘o e ikuna mo e mo’ui faipule! ‘Oku fakahā ‘e he Tohitapu, “Ko Kalaisi ‘iate koe, ko e ‘amanaki lelei ‘o e hakeaki’i”; ‘oku ‘uhinga ia kuo hoko kiate koe ‘a e kolōlia koe’uhi ‘oku ‘iate koe ‘a Kalaisi. ‘Oku ‘uhinga ‘a e ‘iate koe ‘a Kalaisi ko e hoko kiate koe ‘a e lavame’a; ko e tu’umālie, ko e mālohi. Haleluia! Seuke, vakai ‘a e mo’ui fakaofo kuo Ne foaki kiate kitautolu; ko e mo’ui ‘o e ikuna, lāngilangi mo e ‘eikipule, fou ‘i he Folofola mo e Laumālie Mā’oni’oni.

Lea’aki

‘Oku ou ‘alu atu he ‘aho ni, ‘i he ikuna mo e faipule kia Setane, ki he kautau ‘o e pō’uli, mo e ngaahi ‘ātakai ‘o e mo’ui. ‘Oku ou a’usia ‘a e mālohi mo e kelesi faka-‘Otua he ‘aho ni, ‘i he’eku fakahāhā ‘a e namu kakala ‘o e ‘ilo’i ‘o Kalaisi, ‘i he potu kotoa pē, ‘i he Huafa ‘o Sisū. ‘Emeni.

Fakalahi Ako:

1 Kolinitō 15:55-57; 1 Sione 4:4; Loma 8:35-37

LAU TOHITAPU TA‘U 1

Mātiu 3, Senesi 6-8

LAU TOHITAPU TA‘U 2

Ngāue 6:9-15, Nehemaia 6

Leave comments on today’s devotional at www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook