Lototaha Mo e Folofola


Mōnite 8

Lototaha Mo e Folofola

Ko e ‘uhi kapau te ke fakahā’aki ho ngutu ‘a e ‘Eiki ko Sisū, pea ke tui ‘i ho mafu kuo fokotu’u ia mei he mate, ‘e fakamo’ui koe. He ‘oku tui ‘a e tangata ‘aki ‘a e mafu ki he fakatonuhia; pea ‘oku fakahā ‘aki ‘a e ngutu ‘a e fakamo’ui (Loma 10:9-10).

‘O ku ‘uhinga ‘a e fakahā’aki he‘etau veesi ‘o e ‘aho ni ko e lea’aki ‘a e me’a tatau ‘i he loto taha. Kapau na‘e lea ‘a e ‘Otua ‘aki ha me’a, pea ke lea’aki lototatau mo ia na’a ne lea‘aki, ko e lea tatau ia. Ko e fakatātā, ‘oku talamai ‘e he Folofola, ‘oku ‘iate koe ‘a e ‘Eiki ‘o a’u ki he ngata’anga ‘o mamani. Ko ia, ‘oua lea, “’E ‘Otua, ke ke ‘iate au”; ko e lea pehē ‘oku fepaki ia mo e Folofola ‘a e ‘Otua. ‘Oku totonu ke ke lea, “‘Eiki, ‘oku ou fakamālō kiate koe, he ‘oku ke ‘iate au ma’uaipē.”

‘Oku talamai ‘e he Tohitapu, “‘E fa’a ‘a’eva ha tokoua, ka ‘oku ‘ikai te na fe’ofo’ofani pe?” (Amosi 3:3). Ko e founga ke ‘a’eva ‘i he lototaha mo e ‘Otua ko e fai ki he ‘Ene Folofola pe ngāue fakatatau ‘aki ‘a e Folofola ‘a e ‘Otua, he koia ‘oku ai ‘a e tāpuaki: “Ka ko ia ‘oku sio fakamama’u ki he fono haohaoa ‘o e tau’atāina pea fai ma’uaipē ki ai, pea ‘oku ‘ikai fanongo mo ngalo, ka ‘oku ‘e ia ‘a e ngāue, ‘e monū’ia ‘a e tangata ni ‘i he’ene ngāue” (Semisi 1:25).

‘Oku fakahā ‘i he veesi ‘o e ‘aho ni, “...kapau te ke fakahā’aki ho ngutu ‘a e ‘Eiki ko Sisū, pea ke tui ‘I ho mafu kuo fokotu’u ia mei he mate, ‘e fakamo’ui koe. He ‘oku tui ‘a e tangata ‘aki ‘a e mafu ki he fakatonuhia; pea ‘oku fakahā ‘aki ‘a e ngutu ‘a e fakamo’ui.” Ko ha taha pe, ‘oku ne tali ‘eni, ‘oku ne fakahā’i ‘a e ‘Eikipule ‘a Sisū, ‘o tui ko e ‘Otua na’a ne fokotu’u Ia mei he pekia, kuo fakamo’ui ia mo ‘ikai ke ‘alu ki heli. Kaekehe, ka hili ange ‘a hono fakahā eni ‘e ha taha pea ne lea “’Oku ‘ikai te u ‘ilo pe kuo ‘osi fakamo’ui au pē ‘ikai,” ‘oku nau fakata’e’aonga’i leva ‘a honau fakamo’ui.

‘Oua lea fakafepaki ki he Folofola. ‘Oua ‘e fakata’e’aonga’i ho’o tui fou ‘i ho’o lea‘aki ha ngaahi lea ‘oku ‘ikai hu’ufataha mo e finangalo ‘a e ‘Otua ma’au. Ko e founga ki he mo’ui faime’a, nāunāu’ia mo lavame’a lahi ko e lea’aki ‘a e Folofola ‘ata’atā pe, ‘o tatau ai pe ko e hā ‘a e ngaahi tukunga ‘ātakai. ‘Oku ‘ikai lahi ‘a e ngaahi palōpalema ‘i he mamani ke uesia ho’o fakalakalaka ‘o kapau te ke lea mo mo’ui ‘i he lototaha mo e Folofola. ́

Lotu

‘Oku ou mo’ui mo ‘a’eva ‘I he mo’uilelei, koloa’ia, pea ‘I he ngaahi lelei kotoa pe ‘o e fakamo’ui ‘ia Kalaisi. Ko e Huafa ‘o Sisū ‘oku tuku kiate au, pea ‘oku ou mo’ui ikuna ai, mei he nāunāu ki he nāunāu, pea mei he lavame’a ki he lavame’a, ‘I he Huafa ‘o Sisū. ‘Emeni.

Fakalahi Ako:

2 Kolinitō 4:13; Hepelū 13:5-6

LAU TOHITAPU TA‘U 1

Mātiu 6:19-7:1-6, Senesi 20-22

LAU TOHITAPU TA‘U 2

Ngāue 7:43-53, Nehemaia 12

Leave comments on today’s devotional at www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook