‘Oku Ne Faingāue ‘Iate Koe mo Fou ‘Iate Ko


Tu‘apulelulu 11

‘Oku Ne Faingāue ‘Iate Koe mo Fou ‘Iate Ko

Koeʻuhi naʻe ʻia Kalaisi ʻa e ʻOtua, ʻo ne fakalelei ʻa māmani kiate ia, ʻo ʻikai lau kiate kinautolu ʻenau ngaahi fai hala; pea kuo ne tuku kiate kimautolu ʻa e fakaongoongo ʻo e fakalelei (2 Kolinitō 5:19).

‘Oku fakahā ‘ia 2 Kolinitō 5:19, “Koeʻuhi naʻe ʻia Kalaisi ʻa e ʻOtua, ʻo ne fakalelei ʻa māmani kiate ia....” Ko ia, ko e ‘Otua na’e faingāue ‘ia Kalaisi ke faka’āaki ‘a e kui, fafanga kinautolu fiekaia, fakavala ‘a e telefua, fakamo’uilelei ‘a kinautolu puke, fakanonga ‘a e mafu mafesi, fakahaofi kinautolu ‘oku lolomi ‘e he tevolo na’a mo e fokotu’u ‘a e mate.

Na’e fakamo’oni ‘a Luke ki heni ‘ia Ngāue 10:38: “Koeʻuhi ko e fakanofo ʻe he ʻOtua ʻa Sisū ʻo Nāsaleti ʻaki ʻa e Laumālie Māʻoniʻoni mo e mālohi: ʻaia naʻe faʻa feʻaluʻaki ʻo fai lelei, mo ne fakamoʻui ʻa kinautolu kotoa pē naʻe fakamālohiʻi ʻe he tēvolo; he naʻe ʻiate ia ʻa e ʻOtua.” Na’e ha’u ‘a e fakamālohi kovi mei he tevolo, ka na’e pani ‘e he Tamai ‘a Sisū, ‘a ia, na’a Ne fakamo’ui ‘a kinautolu kotoa pē na’e fakamālohi’i. ‘Oku tau manatu heni ki he ngaahi lea ‘a e ‘Aposetolo ko Paula ‘ia Filipai 2:13: “He ko e ʻOtua ia ʻoku ne ngāue ʻiate kimoutolu ʻi hono finangalo lelei ke mou loto mo fai ki ai.”

Na’e ‘ikai ko e fakamahalo pe eni ‘a Paula; na’a Ne ‘ilo ‘a e ngaahi lea ‘a Sisū na’e fai ‘ia Sione 14:10, “...ka ko e Tamai, ʻoku nofo ʻiate au, ʻoku ne fai ʻa e ngaahi ngāue.” Ko e me’a eni ‘oku fai ‘e he Laumālie Mā’oni’oni ‘iate kitautolu he ‘aho ni; ‘oku Ne faingāue ‘iate koe, ‘o ngaohi koe keke loto’aki mo ngaohi koe keke fai ‘a e finangalo ‘o e Tamai. Ko Ia ‘a e Tokotaha ‘oku ne fakaloto’i koe keke loto’aki ke tauhi ki he ‘Otua mo tokoni’i koe ke fai ia. ‘Oku Ne mo’ui ‘iate koe. ‘Oku Ne talanoa fou ‘ia koe mo fakahoko ngāue ‘iate koe.

Ko Ia ho mafeia. ‘Oku fakahā ‘ia 2 Kolinitō 3:5 (AMP), “Kae ʻikai hangē ʻoku maʻu mafai (taau mo fe’unga ‘i he mafeia) ʻiate kimautolu ke mahalo ki ha meʻa meiate kimautolu; ka ko e maʻu mafai ʻoku mei he ʻOtua.” Faka’uta ange kapau te ke ma’u ‘a e ongo’iloto ko eni ‘i he ‘aho kotoa pē mo faka’atā ke faingāue eni ‘i ho’o mo’ui; ‘e ‘ikai ‘aupito te ke toe hanu. ‘E ‘ikai toe hoko ‘a e ngaahi fakakaukau pē faka’amu hangē ko e, “Pehēange mai ne u lava fai ‘a e me’a ko ia.”

Tu’u to’a mei loto ‘iate koe! Fakahā kohai koe ‘ia Kalaisi, mo Hono mafeia ‘oku faingāue ‘iate koe. Fakamo’oni ‘oku Ne uesia ‘a mamani fou ‘iate koe, fakatatau ki Hono mālohi ‘oku ngāue mālohi lahi ‘iate koe. Fakahā ‘oku ke malava fai ‘a e me’a kotoa pē ‘ia Kalaisi ‘oku nofo’ia koe, mo fakamālohi koe.

Lotu

‘Apā Tamai, ‘oku ou fakamālo kia koe he ko koe ‘oku longomo’ui, mo’ui, mo faingāue ‘iate au mo fou ‘iate au, ke u fakatou loto’aki mo fai ‘a ia ‘oku fakafiefia’i koe. ‘Oku fakamālohi’i au ‘e he Folofola mo ho Laumālie, ke u angama’u ‘aki ‘a e toutou fakahā ho lelei, ‘ofa, angalelei mo e mā’oni’oni ki hoku mamani, koia, ‘o fakakakato ho finangalo, ‘i he Huafa ‘o Sisū. ‘Emeni.

Fakalahi Ako:

1 Sione 2:16-17; Hepelū 10:7; Filipai 1:6

LAU TOHITAPU TA‘U 1

Mātiu 8:28-9:1-17, Senesi 27-28

LAU TOHITAPU TA‘U 2

Ngāue 8:14-25, ‘Eseta 3-4

Leave comments on today’s devotional at www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook