O Lo O Ia Te Oe Le Manumalo


Aso fraile 12

O Lo O Ia Te Oe Le Manumalo

Ua ou fai atu nei mea ia te outou, ina ia outou maua le manuia ia te a’u. E maua outou e le puapuaga i le lalolagi, a ia outou loto tetele, ua ou manumalo i le lalolagi (Ioane 16:33).

Oupu ia a Iesu; e malosi, e faʻamalosi, ma faʻamafanafana! Na ia fai mai, “...E maua outou e le puapuaga i le lalolagi, a ia outou loto tetele, ua ou manumalo i le lalolagi.” Maʻeu lenei malamalama. O le olaga lenei na soifua ai Iesu; e ui lava sa i ai o Ia i le lalolagi ua pagatia i le pogisa tele, faigata o le tamaoaiga, faamaʻi, sauaga, o le oti, mala, ma isi mau mea. Na vavae ese o ia mai faa tauli ma faatosinaga leaga o ona aso. Sa ia te ia le mafaufau o le manumalo; ua faamoemoe o ia e tatau ona tatou mafaufau ai faapea.

Ua molimau le 2 Timoteo 3:12, “O i latou uma fo’i o e loto ina nonofo ma le amio Atua ia Keriso Iesu, e sauaina i latou.” Pe a oo mai luitau, sauaga, tulaga atuatuvale, taimi le mautonu, tofotofoga, ma faaosoosoga, ia e a a; ia tumau le loto tele, aua ua mae’a ona e faatoilaloina uma. O le ituaiga mafaufauga lena e tatau ona e mafaufau ma ola ai; aua o Keriso, ua e manumalo ai i le lalolagi. Ua faapea mai le 1 Ioane 4:4, “O outou, le fanau e, mai le Atua lava outou, ua outou manumalo fo’i ia te i latou, aua e sili o ia ua ia te outou, i le ua i le lalolagi.”

A e iloa lelei lenei mea, e aa a ma solo leleia ai lau gagana i le tatalo. E leai ma se mea o ai i luitau e foufou mai, e na o lo’u tatalo lava “I le Suafa o le Alii o Iesu, ua ou manumalo i le lalolagi ma ona faatulagaga, o lona tamaoaiga, o ona leaga, o le mativa, o ona faiga piʻopiʻo, o le atuatuvale, ma ona pepelo.” O le mea lena e leai se mea ua i le lalolagi e mafai ona gauai atu i ai, aua ua ou manumalo i le lalolagi ia Keriso.

E moni lenei mea mo i tatou tai-toatasi; e le o oe o se tagata toilalo, ae o le manumalo. Ua e i ai i totonu ia Keriso, ma ua avea ma au mea totino Lona manumalo i le lalolagi. ‘Aua le tatalo e faatoilaloina; ‘aua fo’i ete taumafaia e faatoilaloina. ‘Aua e te anapogi ina ia e manumalo. Ua uma ona e manumalo ia Satani, le lalolagi, ma ona faiga: “Aua o i latou uma o e fanau mai i le Atua, e manumalo i latou i le lalolagi; o lenei fo’i le manumalo e manumalo ai i le lalolagi o lo tatou faatuatua lava. O ai se na te manumalo i le lalolagi, pe afai e le o le talitonu, o Iesu o le Alo lava ia o le Atua?” (1 Ioane 5:4-5).

Tatalo

Ua o’u manumalo i le lalolagi ma ona faiga; o ona faʻalavelave, o faama’i ma faaosoosoga, aua e sili atu Le o lo o i totonu ia te aʻu,naileolooilelalolagi.Ou te faaaogaina laʻu pule ia Keriso i luga o mana uma ma fuafuaga a le fili, ma ou te manumalo e faavavau, i le Suafa o Iesu. Amene.

Su’esu’e Atili:

Salamo 34:19; 2 Timoteo 3:12; Roma 8:35-39

Faitauga tusi paia mo le tausaga e 1

Mataio 9:18-38, Kenese 29-30

Faitauga tusi paia mo tausaga e 2

Galuega 8:26-40, Eseta 5-6

Leave comments on today’s devotional at www.rhapsodyofrealities.org

#Otherlanguages

7 views

Copyright 2020. Christ Embassy Hawaii Non-profit Christian Church |

  • Facebook