Ia E Mafaufau Ma Tautalaina Le Tamaoaiga


Aso toona’i 13

Ia E Mafaufau Ma Tautalaina Le Tamaoaiga

Ia outou vivi’i atu i le Ali’i. Amuia le tagata o le mata’u i le Ali’i, o loo a a tele i ana poloa’iga. E malolosi lana fanau i le nuu; e manuia le tupulaga o e amiotonu. E i lona fale le oloa ma mea e tele; e tumau fo’i lana amiotonu e fa’avavau (Salamo 112:1-3).

Ei ai i latou o lo’o mafaufau o manuia tau- tupe, e le mo le tagata Kerisiano, ae e sese i latou. E to’a tolu tagata ete mauaina i le Tusi Paia o loo ta’u faatasi ma le Atua: Aperaamo, Isaako, ma Iakopo, ma o tagata mauoa ma le tamaoaiga. I le Esoto 3:6, fetalai le Atua ia Mose, “...O a’u o le Atua o lou tama o le Atua o Aperaamo, o le Atua o Isaako, o le Atua fo’i o Iakopo....” Faitau faa-lelei tala e uiga i nei tagata e to’a tolu, ma o le a e maofa i le tele o lo latou tamaoaiga.

Kenese 13:2 ua ta’ua mai o Aperaamo “...Ua mauoa tele lava Aperaamo i manu, ario ma auro.” Fai mai le Tusi Paia o Lona atali’i o Isaako, “Ua tagata ola lenei tagata (Isaako), ua tupu pea lava, ua atili ai ua o’o ina matua tagata ola lava ia; aua sa ia te ia le lafu mamoe ma lafu povi ma auauna e to’atele; ua loto leaga fo’i Filisitia ia te ia” (Kenese 26:13-14). E faapena fo’i le ta’utinoga ia Iakopo; fai mai le Tusi Paia, “Ua matua fa’ateleina lava mea a lea tagata (Iakopo), na ia te ia mamoe tele ma auauna fa ne ma auauna tane ma kamela, atoa ma asini” (Kenese 30:43).

O le tamaoaiga o le Atua, e le na o ni nai tagata li lia; ae mo i latou uma ua mulimuli, ma ola i Lana Upu. Fai mai o Ia i le 3 Ioane 1:2, “Le pele e, ia e manuia i mea uma, ma ia e malolo, fa’apei ona manuia o lou agaga.” O le Kerisiano, o oe o le suli o le Atua, o suli faatasi ma Keriso (Roma 8:17); o le tamaoaiga, o lou to lea. O tamaoaiga uma lava o lenei lalolagi, o a oe ia. O le ituaiga mafaufauga lea e tatau ona e mafaufau ai. Fai mai le 1 Korinito 3:21 o mea uma o a outou ia; e tatau fo’i ona e talitonu, mafaufau, ma tautala faapea. Ia ia te oe le malamalama o le faula’i ma le faateleina.

Afai o e tauivi pea ma le mativa, mana’o ma le le tamaoaiga i lenei olaga, e mana’omia e oe se a’oa’oga fou; mafaufau fou. Sui nei lau gagana, lou malamalama, ma ou mafaufauga, ona suia ai lea o le tulaga e te oo i ai. Fai mai le Roma 12:2, “’Aua fo’i tou te amio faatasi ma lenei lalolagi, ae peita’i ia liliuina i le toe fuata’iina o outou loto (mafaufau)....” Ia amata nei ona e mafaufau ma tautalaina le tamaoaiga i lou olaga, se’ia o’o ina suia atoa lou mafaufau i le olaga lelei ma le manuia.

Tautinoga

I le avea ai ma fanau a Aperaamo, o suli o lenei lalolagi atoa, o lo’u manuia e le fa’atapula’aina; o mea uma lava o a a’u ia! Ou te teu i auro pei o le efuefu, ma o’u savali i le malo o le fa’ateleina, le mea ua tupuga mai ai le tele o mea lelei uma. I le Suafa o Iesu. Amene.

Su’esu’e Atili:

Isaia 60:11; Sakaria 1:17; 2 Korinito 9:8 AMPC

Faitauga tusi paia mo le tausaga e 1

Mataio 10:1-23 Kenese 31-33

faitauga tusi paia mo tausaga e 2

Galuega 9:1-9 Eseta 7-8

Leave comments on today’s devotional at www.rhapsodyofrealities.org

#Otherlanguages

3 views

Copyright 2020. Christ Embassy Hawaii Non-profit Christian Church |

  • Facebook