E Leai Se Pouliuli O I Totonu Ia Te Oe


Aso lulu 17

E Leai Se Pouliuli O I Totonu Ia Te Oe

Oute le toe tautala atu ia te outou i ni upu e tele; aua o le a sau le alii o lenei lalolagi, a e le maua e ia se mea ia te au (Ioane 14:30).

Mai le tatou mau Amata, o lo’o manino mai ai le “alii o lenei lalolagi”; e le mafai ona tatou faapea atu o Iesu po’o le Tama. A’o Satani lava. Fai mai le Tusi Paia, “O loo faasalaina nei lenei lalolagi; e tulia nei le alii o lenei lalolagi” Ioane 12:31. O lo’o fa’aigoa mai fo’i i le tusi o le 2 Korinito 4:4 “le alii o lenei lalolagi”: “Ua faatauasoina manatu o i latou o e le talitonu e le atua o le lalolagi nei, ina ne’i pupulu atu ia te i latou le malamalama o le tala lelei i le mamalu o Keriso, ua tusa o ia ma le Atua.”

O Satani, o lo’o ia pulea galuega ma polokalame a le lalolagi, o le mafuaaga lena o lo’o tatou iai nei i se lalolagi vevesi ma le fa’aletonu. Ae ina ua fai mai le Tusi Paia, “Aua tou te mananao i le lalolagi, po o mea o i ai i le lalolagi. Pe afai e manao se tasi i le lalolagi, e le o ia te ia le alofa i le Tama” (1 Ioane 2:15), o lo’o fa’atatau lea i polokalame a le lalolagi ma ona galuega; o mea fa’alelalolagi lea ua pulea e Satani. E le o oe o se tagata-nu’u o lenei lalolagi, o le mea lea e le tatau ai ona e mulimulita’i i tu ma aga o lenei lalolagi. Ua fetalai Iesu, e le o oe o se tagata o le lalolagi nei (Ioane 15:19).

E le’o oe fo’i o i le pouliuli. A ua vavae-eseina oe mai le pouliuli ae auina atu i le malamalama o le malo o le Atua (I Peteru 2:9). O le mea lea, ia e mautinoa e le’o iai se pouliuli i totonu ia te oe. O ou fa’alogona, naunautaiga ma manaoga ua tatau ona aga’i uma i mea o i luga ae le’o o mea o i le laolagi nei. ‘Aua nei ia te oe se manaoga o le lalolagi nei, aua ua atoatoa oe ia Keriso.

Ina ua fetalai Iesu, “...aua o le a sau le alii o lenei lalolagi, a e le maua e ia se mea ia te au,” Sa ia ta’utinoina le atoatoa ua ia maua i le Atua, ma le tu’ueseina mai o ia mai ia Satani ma so’o se mea o lenei lalolagi. O le nagalo lena a le Atua mo oe, e ao ona faapena ia ou mafaufauga. E leai se mea e tasi o lenei lalolagi e te mana’omia, aua ua atoatoa oe ia Keriso, o ia lea o lo’o iai le tumutumuga atoa o le Tolu-Tasi Paia (Kolose 2:9-10). Ua tumu atoatoa oe i le Atua ma e leai se avanoa mo Satani ma ana galuega o le pouliuli. Ia avea lenei mea ma ou tautinoga i aso uma lava.

Tatalo

Tama Pele, oute faafetaia oe ona o lou alo pele, o Iesu. Aua e faapei o ia, e faapena fo’i a’u i le laolagi nei. E leai lava se mea a le alii o lenei lalolagi o i totonu ia te a’u; aua ua tumu atoatoa a’u i le Atua; ua fa’atoatoaina a’u ia Keriso. E leai fo’i se mana’oga e tasi o ia te a’u o i le lalolagi. I le Suafa o Iesu. Amene.

Su’esu’e Atili:

Roma 8:10-11; 1 Ioane 4:4; 1 Tesalonia 5:5

Faitauga tusi paia mo le tausaga e 1

Mataio 12:22-50 Kenese 40-41

Faitauga tusi paia mo tausaga e 2

Galuega 10:1-8 Iopu 5-6

Leave comments on today’s devotional at www.rhapsodyofrealities.org

#Otherlanguages

3 views

Copyright 2020. Christ Embassy Hawaii Non-profit Christian Church |

  • Facebook