Kuo ke Hao Mei He ‘Au’auha ‘o Mamani


Mōnite 15

Kuo ke Hao Mei He ‘Au’auha ‘o Mamani

ʻA ia kuo foaki ai kiate kitautolu ʻa e ngaahi talaʻofa ʻoku lahi ʻaupito mo mahuʻinga: koeʻuhi ke mou kau ai ʻi he anga ʻa e ʻOtua, ʻi hoʻomou hao mei he kovi ʻoku ʻi māmani ʻi he holi kovi (2 Pita 1:4).

‘Oko e anga-fakalielia pē faka’auha; ‘oka ku ‘uhinga ‘a e ‘au’auha (fo’i lea kovi ‘i ‘olunga) fakasi’isi’i ha me’a, mo holo hono mahu’inga; ‘oku ‘ikai kei haohaoa ko e fakakau ki ai ‘a e me’a ta’etotonu pē si’iange hono mahu’inga. Ko e faka’uli’i; ko e tuifio ‘o ha me’a ‘oku ‘ikai sai mo ha me’a na’e lelei haohaoa kimu’a.

Ko e mamani he’etau ma’u he ‘aho ni na’e faka’uli’i ia; na’e ‘ikai ko e tu’unga eni na’e ngaohi ‘e he ‘Otua. Na’e hoko ia ‘o kovi, koe’uhi ‘oku ai ‘a e lao ‘o e faka’auha ‘oku faingāue ‘i mamani, ‘oku ui ia ko e lao ‘o e mate. Ka ‘oku fakahā ‘e he ‘Aposetolo ko Paula, fou he fakamānava ‘a e Laumālie Mā’oni’oni, “He ko e fono ʻo e Laumālie ʻo e moʻui ʻia Kalaisi Sisū, kuo ne fakatauʻatāina au mei he fono ʻo e angahala mo e mate” (Loma 8:2). ‘Oku ke mo’ui ‘i he lao ‘o e laumalie ‘o e mo’ui ‘ia Kalaisi Sisū; koia kuo ke hao mei he ‘au’auha ‘o mamani.

‘Oku fakahā ‘e he’etau folofola kaveinga ‘o e ‘aho ni, “...koeʻuhi ke mou kau ai ʻi he anga ʻa e ʻOtua, ʻi hoʻomou hao mei he kovi ʻoku ʻi māmani ʻi he holi kovi.” ‘Oku fakahā ‘e he Laumālie, fou he ‘Aposetolo ko Pita, kia kitautolu ko e me’a ‘oku ne fakatupu ‘a e ‘au’auha ko e holi kovi: ko e holi-kovi ko e hoholi ki ha me’a ‘oku ‘ikai ngofua. Ko e lea tupu’anga Kaliki ko e “epithumia.”

Ko e me’a ia na’e fai ‘e ‘Ivi ‘i he Ngoue ‘o ‘Iteni: “Pea ʻi he mamata ʻe he fefine ʻoku lelei ʻa e ʻakau ki he kai, mo matamatalelei ki he mata, pea ko e ʻakau ke velevele ki ai ke fakapotoʻi...” (Senesi 3:6). Na’e matamata lelei ki he mata; na’e sai’ia ia ai, ka na’e ‘i ai ‘a e lao ta’ofi ia. Na’e talaange ‘e he ‘Otua ke ‘oua kai ia, neongo ia ne holi ia ki he me’a na’e ‘ikai ngofua. Ko e holi ki he me’a na’e ‘ikai ngofua ‘a e hoholi na’e fakahoko ai ‘a e lao ‘o e anga-fakalielia ki mamani.

Kae fakafeta’i ki he ‘Otua! ‘Ia Kalaisi Sisū, kuo ke hao mei he ‘au’auha ‘oku ‘i mamani fou ‘i he holi-kovi. ‘Oku faingāue ‘a e mahaki, mate, fakapo’uli, mo e anga- fakalielia ‘i mamani ka ‘oku faingāue ‘a e mo’uilelei, mo’ui, maama mo e mā’oni’oni ‘iate koe. Mo’ui ‘aki ‘a e ongo’iloto ko eni. ‘Oua holi pē tali ha me’a ‘oku fakangali ‘oku ke kei ‘i he tu’unga ‘au’auha pē ‘oku ke masiva pē ‘oku ke kei ta’etaau. Ma’u ‘a e ongo’iloto ko e ngaahi me’a kotoa pē ki he mo’ui mo e anga faka’otua kuo ‘osi ‘a’au ia. Haleluia!

Lotu

‘Apā Tamai, ‘oku ou fakamālo kiate koe he ‘oku ‘iate koe hoku iku’anga. Kuo fakatau’atāina au ‘e he lao ‘o e laumalie mo e mo’ui ‘ia Kalaisi Sisū mei he lao ‘o e angahala mo e mate. Kuo u hao mei he ‘au’auha; mei he kovi lahi mo e faka’uli’i ‘a mamani fou he holi-kovi. Kuo fakahaohaoa au ‘ia Kalaisi Sisū, pea kuo u ma’u ‘a e ngaahi me’a kotoa ‘oku kau ki he mo’ui mo e anga faka’otua, ‘i he Huafa ‘o Sisū. ‘Emeni.

Fakalahi Ako:

1 Pita 1:23; Sione 17:14

LAU TOHITAPU TA‘U 1

Mātiu 11:1-30 Senesi 36-37

LAU TOHITAPU TA‘U 2

Ngāue 9:21-31 Siope 1-2

Leave comments on today’s devotional at www.rhapsodyofrealities.org

#Otherlanguages

4 views

Copyright 2020. Christ Embassy Hawaii Non-profit Christian Church |

  • Facebook