Ngaahi Lea ‘o e Tui


Tokonaki 20

Ngaahi Lea ‘o e Tui

He ʻoku ou tala moʻoni atu kiate kimoutolu, Ko ia ia te ne pehē ki he moʻunga ni, Hiki koe, pea lī koe ki he tahi; pea ʻikai fakataʻetaʻetui hono loto (mafu), ka ʻoku ne tui ʻe hoko ʻa e ngaahi meʻa ʻoku ne lea ʻaki, ʻe hoko ʻaia kotoa pē ʻoku ne lea ki ai (Ma’ake 11:23).

‘Oku fakahā ‘ia 2 Kolinitō 4:13, “ʻOku mau maʻu ʻa e laumālie ko ia ʻo e tui, ʻo hangē ko ia kuo tohi, “Naʻaku tui, pea ko ia kuo u lea ai; ʻoku mau tui foki, pea ko ia ʻoku mau lea ai”; ‘oku tau lea’aki ‘a e lea ‘o e tui. Ko ‘etau tui ko e ikuna ia ‘oku ne iku’i ‘a mamani (1 Sione 5:4). ‘Oku tau fakatokalalo mo pule ki mamani, mo faipule ki he ngaahi ‘ātakai fou he’etau ngaahi lea ‘o e tui.

Koe’uhi ko e fānau koe ‘a e ‘Otua, ‘oku ‘ikai ko e fo’i koe; kuo ‘osi fakahā’i ko e hau koe. ‘Oku ke laka hake he fa’a ikuna. Tauhi ma’u ho ikuna ‘aki ho lea’aki ‘a e ngaahi lea fonu tui. ‘Oku fakahā’i ‘a e tui tautefito ‘i he ngaahi lea; ‘oku ‘ikai te ke kehe mei ho ngaahi lea. Ko e ngaahi me’a ‘oku hoko kiate koe, ngaahi me’a ‘oku hoko ‘i he mo’ui, ko e ngaahi ola kinautolu ‘o ho ngaahi lea; ko e ‘uhinga ia ‘oku totonu ai ke tonu ho talanoa mo fakahā’i ho tui ma’u pē.

Hanga ‘ilo’i eni: ‘oku ‘ikai ha kaunga ‘e taha ‘a Setane ki ho lavame’a ́; kuo ‘osi iku’i ia. ‘Oku ha ‘ia Luke 10:18-19, na’a Ne pehē, “...Naʻaku mamata ki he hinga ʻa Sētane ʻo hangē ko e ʻuhila mei he langi. Vakai, ʻoku ou foaki ʻae mālohi kiate kimoutolu ke malaki hifo ʻa e ngaahi ngata, mo e sikopio, pea mo e mālohi kotoa pē ʻoe fili: pea ʻe ʻikai ʻaupito ha meʻa ʻe lavea ai ʻakimoutolu.” ‘Oku fakahā mahino lelei ‘ia Kolose 2:15 ‘a e ‘ata ‘o e ikuna ‘a Sisū ‘ia Setane mo ‘ene kautau ‘i heli: “Pea ʻosi ʻene maumau ʻa e ngaahi pule mo e ngaahi mālohi, naʻa ne fakaʻilo fakahā atu ʻakinautolu ʻo vikiviki ai kiate kinautolu.”

Ko ia ai, kapau ‘oku ‘ikai faitatau ho ngaahi ‘ātakai ‘o e mo’ui mo e mo’ui ‘o e ikuna mo e faipule ‘a ia na’e fakahoko ‘e Kalaisi ma’au, ko ho fatongia ia ke fakahoko ‘a e liliu. ‘Oua tangi ko e me’a ko ia; ‘oua lāunga kau mo ia; lea’aki ‘a e lea ‘o e tui. Mahalo kuo fuoloa ho fekuki mo e ngaahi pole ‘i ho mo’uilelei, lea pea fakahoko ‘a e liliu! Na’e fakahā ‘e Sisū te ke ma’u ia ‘oku ke lea ki ai; koia, lea’aki ‘a e Folofola. Na’a ‘oku kau mo ho ngāue, me’a fakapa’anga, pē fāmili; ‘oua tali ‘a e fo’i. Lea ma’u ‘aki ‘a e ikuna.

‘Oku ‘i ho ngutu ‘a ho tāpuaki. ́ ‘Oua lāunga kau mo e faingata’a; lea ki ai. Fekau ki ai ‘a e liliu ‘i he Huafa ‘o Sisū, pea ‘e hoko ia. Kolōlia ki he ‘Otua!

Lea’aki

‘Oku ‘ikai ‘o e mamani au; ko ia ‘oku ‘ikai te u mo’ulaloa ki he ngaahi ‘ātakai mo e ha’aha’a ‘o e pule’anga fakaemamani. ‘Oku ou ma’u ‘a e mo’ui ikuna, ta’elava-ke-faka’auha; ta’elava iku’i-‘a-e-‘Otua, pea ‘oku ou ‘a’eva ‘i he ongo’iloto ko eni ma’u pē. ‘Oku ou mo’ui ta’etuku ‘i he ikuna, mo’uilelei, ‘eikipule, mo e mā’oni’oni. ‘Oku ‘i hoku mafu ‘a e Folofola ‘o e tui mo mālohi ‘i hoku ngutu, ‘o lolomi ‘a e ngaahi ‘ātakai ‘i he Huafa ‘o Sisū.

Fakalahi Ako:

Siope 22:28; Tangata Malanga 8:4; 1 Timote 6:12

LAU TOHITAPU TA‘U 1

Mātiu 13:44-14:1- 12 Senesi 46-48

LAU TOHITAPU TA‘U 2

Ngāue 10:34-43 Siope 11-12

Leave comments on today’s devotional at www.rhapsodyofrealities.org

#Otherlanguages

4 views

Copyright 2020. Christ Embassy Hawaii Non-profit Christian Church |

  • Facebook