Vakai Kuo ‘Osi Hakeaki‘i Koe


Tūsite 23

Vakai Kuo ‘Osi Hakeaki‘i Koe

Ko ia kapau ʻoku ʻia Kalaisi ha taha, ko e fakatupu foʻou ia: kuo mole atu ʻa e ngaahi meʻa motuʻa; vakai, kuo hoko ʻo foʻou ʻa e ngaahi meʻa kotoa pē (2 Kolinitō 5:17).

Ko e taimi ne talangata’a ai ‘a ‘Atama mo ‘Ivi ki he ‘Otua he’ena kai ‘a e fua ‘o e fu’u ‘akau ‘o e ‘ilo ‘a e lelei mo e kovi, talamai ‘e he Tohitapu “...pea na’e ‘ā ai ‘a e mata ‘o kinaua ‘osi pē; pea na ‘ilo kuo na telefua” (Senesi 3:7). Na’e ngaohi ‘e he‘ena hinga ke na “sio” ‘oku na telefua, pea ne na mā ai mo manavahē. Ko e taimi ne ui ai ‘a e ‘Otua kia ‘Atama ‘i he Ngoue, na’a ne tali ‘o pehē, “...Na’a ku fanongo ki ho le’o ‘i he ngoue, pea na’a ku manavahē, koe’uhi kuo u telefua: peau toitoi ai” (Senesi 3:10). Ko e tali ‘a Sihova kiate ia na’e pehē, “...Ko hai kuo fakahā kiate koe ‘oku ke telefua?” (Senesi 3:11).

‘Oku mahu’inga koeha ia ‘oku ke sio ki ai mo e founga ho sio. Na’e sio ‘a ‘Atama ki he’ene halaia mo e fakamā, ka ‘oku ‘ikai ko e me’a ia ‘oku fiema’u ‘e he ‘Otua keke sio ki ai. ‘Oku talamai ‘e ‘Isaia 33:20, “Vakai ki Saione, ko e kolo ‘o ‘etau ngaahi kātoanga: ‘e mamata ho mata ki Selusalema ko e nofo’anga fiemālie....” Ko e lea Hepelū ki he “sio” ko e “ch z h,” pea ‘oku ‘uhinga ke sio mo sio mei he pule’anga ‘o e laumalie, ke sio ki he me’a ta’ehāmai. Ko e mafeia eni mei he pule’anga- fakalaumālie na’e mole meia ‘Atama mo ‘Ivi, pea ‘ikai ke na toe lava mamata ki he nāunāu.

Pea ko eni, ‘oku fakahā ‘e he ‘etau folofola, “... kapau ʻoku ʻia Kalaisi ha taha, ko e fakatupu foʻou ia: kuo mole atu ʻa e ngaahi meʻa motuʻa; vakai, kuo hoko ʻo foʻou ʻa e ngaahi meʻa kotoa pē.” Ko e fo’i lea “vakai” ko e lea Kaliki “idou,” ‘a ia ‘oku kāinga mo e lea Hepelū, “chazah.” ‘Oku ‘uhinga ke lāu’ilo fakalaumālie, ke mamata, mo ake mo’ui ki he me’a ‘oku mamata ki ai. ‘Oku fiema’u ‘e he ‘Otua keke mamata, hoko ko e ‘ilo’ilo fakalaumālie, kuo kofu koe ‘aki ‘a e nāunāu. Ko e nāunāu na’e mole ́ kuo fakafoki mai ia mo ma’u ‘ia Kalaisi.

Ko e ‘uhinga ia ‘o Kolose 1:27: ‘oku ‘uhinga ‘a e Kalaisi ‘iate koe ko e ‘amanaki ‘anga ‘o e hakeaki’i ko e a’usia ‘o e nāunāu; kuo hoko mai. Pea folofola ‘a Sisū, “Pea ko e nāunāu na’a ke tuku kiate au, kuo u tuku kiate kinautolu...” (Sione 17:22). Koia, sio kuo ‘osi hakeaki’i koe! ‘Oku fakahā ‘ia Loma 8:30, “Pea ko kinautolu na’a ne tu’utu’uni, na’a ne...hakeaki’i ‘a kinautolu.”

‘Oku ‘ikai ha totonu ke toe fai ‘a e manavahē pē hola mei he ‘Otua; kuo Ne to’o ‘a e loto halaia kotoa pē, to’o ‘a e fakaanga mo e fakamā mei ho mo’ui pea fiema’u ke ke sio kuo ke hoko taimi ni ko e mā’oni’oni ‘a e ‘Otua ‘ia Kalaisi Sisū. Vakai kuo fakatonuhia’i koe ‘i he tui mo ma’u ‘a e melino mo e ‘Otua! Sio ko e lavame’a koe mo e ikuna ta’engata. Haleluia!

Lotu

‘Apā Tamai, ‘oku ou ‘ofa kiate koe; ‘oku ou fakamālo kiate koe ko e foaki kiate au ‘a e vavanga ki he ngaahi me’a-mo’oni, ke u sio mo ‘a’eva ‘i ho nāunāu. Ko ‘eku mo’ui ko e fakae’a ia ‘o ho faka’ofo’ofa, lelei ‘’aupito, mo e poto, ‘i he Huafa ‘o Sisū. ‘Emeni.

Fakalahi Ako:

2 Kolinitō 3:18; ‘Isaia 60:1-2

LAU TOHITAPU TA‘U 1

Mātiu 15:29-16:1- 12 ‘Ekisoto 3-5

LAU TOHITAPU TA‘U 2

Ngāue 11:15-30 Siope 17

Leave comments on today’s devotional at www.rhapsodyofrealities.org

#Otherlanguages

4 views

Copyright 2020. Christ Embassy Hawaii Non-profit Christian Church |

  • Facebook