Valaauina E Faaalia Le Mamalu O Le Atua


Aso lulu 24

Valaauina E Faaalia Le Mamalu O Le Atua

O lenei afai o ia Keriso se tasi, o le tagata fou ia, ua mavae le ola tuai, faauta, ua oo mai le ola fou (2 Korinito 5:17).

Ole Kerisiano ua le na o le alu i le lotu poo le auai lea i se faapotopotoga. Ae o le faaaliga poo le faaali atu lea o le tagata fou ia Keriso: poo ai o ia, o lana pule, o le tomai ma le mamalu ia Keriso Iesu.

E faigata tele i le lalolagi ona malamalama ia i tatou, talu ai ua faapei lava i tatou o Iesu (1 Ioane 4:17); na latou le iloa o Ia. Fai mai le Ioane 1:10, “Sa i le lalolagi o ia, na ia faia foi le lalolagi; ae lei iloa lava o ia e le lalolagi.” E le sila a foi e le lalolagi i tatou, aua ua tatou fananau mai ia te ia. O loo ia te i tatou le ola ma le natura e tutusa ma Ia.

I le tasi aso, na fetalai o Ia i le au Iutaia, “O au e mai luga a o outou e mai lalo nei.” Na ia faailoa atu ia te i latou e le o Ia o se o le lalolagi nei; o Ia o le ua paia ua fanau i le nofoaga faaletino. Ua a o mai o ia i le lalolagi mai le itu faaleagaga. Faapei o Ia, ua iai nei oe i le lalolagi – o le lalolagi faaletino – ae e le o le lalolagi oe (Ioane 15:19). Na fanau mai oe mai luga, ina ia pulea le lalolagi.

O loo molimau foi le Roma 8:19, “Aua o loo faatalitali mea uma na faia ma le naunau i le faaalia mai o atalii o le Atua.” Na fanau mai oe ina ia e nofotupu ma faaalia le mamalu o le Malo a le Atua i le lalolagi; o le Kerisiano lena. “A o outou o le tupulaga ua li lia outou, o tupu ma ositaulaga, o le nuu paia, ma le nuu na faatauina mai e le Atua, ina ia outou tautau atu ana galuega lelei, o le na valaau ia te outou nai le pouliuli e oo i lona lava malamalama e matua ofo ai” (1 Peteru 2:9).

Matuai maoae lea olaga! Matuai maoae lenei valaau! Ua valaauina oe e te savali ai ma faaali atu le mamalu o le Atua. O le mafuaaga lea na a o mai ai Iesu i le lalolagi e faaali atu le Atua ma lona mamalu, ua valaau fo’i oe e le Atua e faaali atu lona mamalu. Ua valaauina oe e faailoa atu le Atua.

A fai mai le Atua ua valaauina oe e faailoa atu lona mamalu, o lona uiga o loo ia te oe le mana e fai ai. Ua faamalieina le Tama ona o oe, ua toilalo ai nei alii sili, faipule ma alii ole pogisa ma latou iloa ai le poto uiga eseese o le Atua (Efeso 3:10).

O le aso, o oe o le ata faaalia o le Atua; o le ua faataunuuina ana folafolaga. Ua valaauina oe e faapupulaina mata o tauaso, faamatalaina le taliga tutuli, faamalolo i le mai, tuli i fafo tiapolo ma toe faatuina i luga le oti! Faataunuu lau valaau! O loo i ai le aoga o lou ola, o lou savali ma faatino le mamalu o le Atua.

Tatalo

Tama Peleina o i le lagi, faafetai atu ia te oe ona o lou foai fua maiiateauoleolaesiliatunai loo lenei lalolagi. Ou te ola ma lou iloa poo ai au, ma e sili le o loo i totonu ia te a’u. Ou te pule i lenei lalolagi, e faapena ona faia lou nagalo ma manumalo lou amiotonu ona o le mana o le Agaga Paia. I le Suafa o Iesu, Amene.

Su’esu’e Atili:

1 Ioane 4:4; 1 Peteru 2:9; Roma 8:29-30

Faitauga tusi paia mo le tausaga e 1

Mataio 16:13-17:1-1; Esoto 6-7

Faitauga tusi paia mo tausaga e 2

Galuega 12:1-10 Iopu 18-19

Leave comments on today’s devotional at www.rhapsodyofrealities.org

#Otherlanguages

2 views

Copyright 2020. Christ Embassy Hawaii Non-profit Christian Church |

  • Facebook