Tomu’a Tu’utu’uni Ki He Kolōlia mo e Lelei ‘Aupito


Mōnite 29

Tomu’a Tu’utu’uni Ki He Kolōlia mo e Lelei ‘Aupito

He ko kinautolu naʻa ne tomuʻa ʻilo, naʻa ne tuʻutuʻuni foki ki he tatau ʻo hono ʻAlo, koeʻuhi ke hoko ia ko e ʻuluaki fānau ʻi he kāinga tokolahi: Pea ko kinautolu naʻa ne tuʻutuʻuni, naʻa ne ui ʻa kinautolu foki: pea ko kinautolu naʻa ne ui, naʻa ne fakatonuhiaʻi ʻa kinautolu foki: pea ko kinautolu naʻa ne fakatonuhiaʻi, naʻa ne hakeakiʻi ʻa kinautolu (Loma 8:29-30).

‘Oku ‘afio ‘a e ‘Otua ‘i ‘itāniti koia ‘oku ne ‘ilo’i ‘a e kaha’u. Ko e me’a ‘oku tau ui ko e kaha’u ‘oku ‘ikai ko e kaha’u ia kiate Ia, ka ko e me’a kuo ‘osi – hisitōlia. Kuo Ne ‘osi ‘afio’i ‘a e me’a kotoa pē ‘e hoko ‘apongipongi, pea lava tokoni’i koe ke fakatonutonu ha fehalaaki na’a ke fai, kapau te ke kole kiate Ia. ‘Oku ‘ikai ko e faka’ohovale ho ‘apongipongi kiate Ia, koe’uhi ko Ia ‘a e ‘Otua ta’engata: “ʻI he teʻeki ai fakatupu ʻa e ngaahi moʻunga, pea teʻeki ai te ke ngaohi ʻa e fonua mo māmani, ʻio, talu mei muʻa ʻo aʻu ʻo taʻengata, ko koe pe ko e ʻOtua” (Saame 90:2).

‘Oku fakahā ‘e he Tohitapu na’a Ne ‘osi ‘ilo, mo tokateu koe keke liliu ki he tatau ‘o Hono ‘Alo, kia Sisū. Na’a Ne tokateu ho mo’ui ki he kolōlia mo e lelei ‘aupito. Fakakaukau ange ki he ‘Ene folofola kia Selemaia: “Naʻaku ʻilo koe ʻi he teʻeki ai te u fakatupu koe ʻi he fatu; pea naʻaku fakatapui koe, pea tuʻutuʻuni koe, ko e palōfita ki he ngaahi puleʻanga, ʻi he teʻeki ai te ke haʻu mei he manāva” (Selemaia 1:5). ‘Oku ‘ikai ko Selemaia pē na’e teuteu ki ai ‘a e ‘Otua; na’e ‘afio’i ‘e he ‘Otua koe mo ho’o hoko mai pea Ne teuteu kimu’a ma’a koe keke ‘a’eva ‘i he ngaahi hala na’e ‘osi teuteu kiate koe.

‘Oku fakahā ‘ia ‘Efesō 2:10, “He ko ʻene ngāue (‘a’ana) ʻakitautolu (ko ‘Ene tufunga), kuo fakatupu ʻia Kalaisi Sisū [fakatupu fo’ou] ki he ngaahi ngāue lelei, ʻaia kuo tomuʻa (tokateu mei mu’a) tuʻutuʻuni ʻe he ʻOtua ke ʻaʻeva ai ʻakitautolu [mo’ui he mo’ui faka’ofo’ofa na’a Ne tokateu mo ngaohi ke maau ke tau mo’ui ‘aki]" (AMP). ‘Oku faingāue ‘a e tokateu ́ ‘iate koe. Na’e ngaohi ‘e he ‘Otua ‘a e ngaahi palani pau ma’a ho’o mo’ui, pea ‘i ho’o feohi mo Ia fou he Folofola mo e Laumālie Mā’oni’oni, te Ne tataki koe ‘i he hala ho iku’anga ‘iate Ia.

‘Oku fakahā ‘ia 1 Pita 2:9, “Ka ko e kakai kuo fili ʻakimoutolu, ko e kau taulaʻeiki fakaʻeiʻeiki, ko e kakai māʻoniʻoni, ko e kakai kuo fakatau; koeʻuhi ke mou fakahā ʻa e ʻulungāanga lelei ʻo ia naʻa ne ui mai ʻakimoutolu mei he poʻuli ki heʻene maama lahi.” Na’e ui koe, ‘o tokateu ki he mo’ui ‘o e kolōlia mo e lelei ‘aupito; ‘ikai ki he mahaki, vaivaia, masiva mo e mo’ui- fo’i. Ko ho mo’ui ko e mo’ui mā’olunga ‘ia Kalaisi ‘o ‘ikai ko e taha noa pē; ko ho mo’ui ‘oku ma’a e nāunāu ‘a e ‘Otua. Haleluia!

Lotu

‘Apā Tamai, ‘oku ou fakamālo kiate koe ko e fakanofo au ki he mo’ui ‘o e lāngilangi, kelesi mo e ‘ofeina. ‘Oku ou ‘a’eva ‘i he ngaahi hala kuo tokateu, koia, ‘e ‘ikai hekea ha’aku laka. ‘Oku ou ikuna ma’u pē, koe’uhi ‘oku nofo ‘iate au ‘a e Tokotaha Lahi; mālo ho fakatu’uma’u au ‘i he mā’oni’oni, mo foaki kiate au ‘a e poto ke u fai ho finangalo he taimi kotoa pē, ‘i he Huafa ‘o Sisū. ‘Emeni.

Fakalahi Ako:

1 Pita 2:9; ‘Efesō 1:11-12

LAU TOHITAPU TA‘U 1

Mātiu 20:17-34 ‘Ekisoto 16-17

LAU TOHITAPU TA‘U 2

Ngāue 13:26-41 Siope 28-29

Leave comments on today’s devotional at www.rhapsodyofrealities.org

#Otherlanguages

1 view

Copyright 2020. Christ Embassy Hawaii Non-profit Christian Church |

  • Facebook