Start your day in The Word of God with

Rhapsody of Realities

Our messenger angel, here to give your day a lift!

Ko ‘Etau Feohi Fekoekoe’i Mo Ia


Falaite 5

Ko ‘Etau Feohi Fekoekoe’i Mo Ia

Pea ko ia ia kuo mau mamata mo ongoʻi ʻoku mau fakahā kiate kimoutolu, koeʻuhi ke tau feohi foki mo kimoutolu: pea ko e moʻoni ko ʻemau feohi ʻoku ʻi he Tamai, pea mo hono ʻAlo ko Sisū Kalaisi (1 Sione 1:3).

‘Oku ‘uhinga ‘a e feohi fekoekoe’i ko e haha. Ko e fakataha mai; ko e hoko ‘o taha. Pea ‘i he ‘ātakai ‘o ‘etau folofola ‘o e ‘aho ni, ‘oku ‘uhinga ko e ‘i he fa’ahinga tatau mo e ‘Otua. Kuo ‘omi kitautolu ki he taha ‘oku ‘ikai toe lava fakamāvae mo e Tamai, mo e ‘Alo, mo e Laumālie Mā’oni’oni. Tāne’ine’i ke ui ‘e Pita eni ko e “kautaha ‘o e fa’ahinga ‘a e ‘Otua”; ko e kaungāma’u ‘o e natula faka’otua (2 Pita 1:4).

Ko e mo’ui tatau ‘oku tafe he fu’u vaine (‘ia Sisū), ‘oku tafe ‘i he ngaahi va’a (Siasi), koe’uhi ‘oku tau taha mo Ia. Ko e me’a fakaofo ia ‘o ‘etau mo’ui Kalisitiane; ‘a ‘etau taha mo e ‘Eiki. Ko e ‘uhinga ia na’e ha’u ai ‘a Sisū. ‘Oku fakahā ‘e he Tohitapu, “ʻOku moʻoni ʻa e ʻOtua, ʻaia naʻe ui ʻakimoutolu ki he feohi mo hono ʻAlo ko Sisū Kalaisi ko hotau ʻEiki” (1 Kolinitō 1:9).

‘E lava fēfē keke hala’atā, masiva, pē mo’ui hangē ko e kakai kehe, lolotonga ia ‘oku ke feohi fekoekoe’i mo e ‘Otua? Ko e konga ‘o e ‘uhinga ‘o eni koe’uhi ko e fanau hoko fakataha ko e mo Kalaisi! Ko e me’a kotoa pē ‘oku ‘a Sisū Kalaisi ‘oku ‘a’au ia, ‘o hangē pe ko ‘Ene ma’u. Ko e kelesi ia ‘a Sisū Kalaisi. Kuo Ne ‘omi koe ki he taha mo Ia. ‘Oku ‘a’au ‘a mamani. Mo’ui mo ‘a’eva mo e ‘iloloto ko eni.

‘Oku ‘ikai ha me’a ‘e lava ngāue fakafepaki kiate koe. ‘Oku fakahā ‘ia Loma 8:28, “Pea ‘oku tau ‘ilo ‘oku fengāue’aki fakataha ‘a e me’a kotoa pē ke lelei ai ‘a kinautolu ‘oku ‘ofa ki he ‘Otua...” ‘Oku tatau ai pē koeha ‘a e pō’uli lōlō mo ha kovi lahi ‘o e ‘ātakai, ko e hau koe ‘ia Kalaisi Sisū, koe’uhi ‘oku ke kautaha mo e Tu’i ‘o e ‘ūnivēsi. Koefē pe te ke ‘i mamani ai, ‘oku ‘afio’i ‘e he ‘Otua, ‘oku tokanga atu ‘a e ‘Otua, pea ‘oku Ne tokanga’i koe ke fai lelei kiate koe. Ma’u ‘a e ‘iloloto ko eni, pea te ne liliu ho vakai ki mamani, mo e anga ho sio kiate koe.

Lotu

‘Apā Tamai, ‘oku ou fakamālo kiate koe ko e monū ‘o ‘eku feohi fekoekoe’i mo koe, mo Sisū mo e Laumālie; kuo kakato ‘eku mo’ui! ‘Oku ‘a’aku ‘a mamani; ‘oku ‘ikai fakangatangata au; ‘oku ‘a’aku ‘a e me’a kotoa pē ‘ia Kalaisi. ‘Oku ou fakae’a ‘a e mo’ui mo e ‘ulungaanga ‘o e Laumālie ki hoku mamani, ‘i he Huafa ‘o Sisū. ‘Emeni.

Fakalahi Ako:

1 Kolinitō 6:17; 2 Kolinitō 13:14; 2 Pita 1:3-4

LAU TOHITAPU TA‘U 1

Mātiu 5:1-20, Senesi 12-14

LAU TOHITAPU TA‘U 2

Ngāue 7:12-21, Nehemaia 9

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook