Start your day in The Word of God with

Rhapsody of Realities

Our messenger angel, here to give your day a lift!

Aua Le Mafaufau I Le Agasala ​

January 7, 2018

Aso Toona'i 6

Aua Le Mafaufau I Le Agasala ​

Ae afai tatou te savavali i le malamalama, fa‘apei ‘ona i ai o ia i le malamalama, ‘ona tatou mafuta fa‘atasi ai lea o le tasi ma le tasi, o le toto fo‘i o Iesu Keriso lona Alo e fa‘amamaina ai i tatou i agasala uma lava (1 Ioane 1:7). ​

Ele tatau ona e nofo va’ava’ai i ou agasala pe a fa’apea o oe o se atali’i o le Atua. I se isi fa’aupuga, aua e te nofouta i le agasala. Fai mai le mau amata, afai tatou te savavali i le malamalama (o le Upu) e pei ona i ai o ia i le malamalama, e otometi lava ona fa’amamaina i tatou mai agasala uma i le toto o Iesu. Afai e moni lea tulaga (ma e moni), e le tatau ona e taʻutaʻuina atu au agasala i taimi uma. O se fa’ata’ita’iga, afai e te faia se mea sese, ona e fa’apea atu lea, “Le Alii e, ou te fa’ato’ese atu ona o o’u agasala; oute mauaina lau fa’amagaloga i le Suafa o Iesu.” Ioe, e faigofie.

 

E leʻi fai atu le Atua ia te oe e te fesili atu ia te Ia mo lana faamagaloga. O lou fesili atu i le Atua e faamagalo oe, e tutusa lelei lava ma lou fesili atu ia lavea’ina oe. Afai e te fesili atu fo’i mo se fa’amagaloga, e fa’afefea ona e iloaina ua tali mai o Ia? E tusa pe afai o lo’o e ole atu i le Atua e fa’asaoina lou agaga; e fa’apefea ona e iloa ua Ia fa’aolaina oe? E le mafai ona e iloaina aua ua mae’a ona ia faia mea uma e laveaiina ai oe. 

 

O le mea lea, e ao ona e taliaina le fa’aolataga; e te le ole atu mo le fa’aolataga. E tusa fo’i ma le fa’amagaloga. E te le ole atu aua sa fa’amaligi’ina le toto o Iesu Keriso mo le fa’amagaloina o a tatou agasala. E i ai Kerisiano e ole atu i taimi uma i le Atua mo le fa’amagaloga. Latou te ole atu i le mea ua latou mauaina; o lea, ua latou le fa’aaogaina le fa’atuatua. O lou taliaina o lou fa’amagaloga, o le fa’agaoioia lea o lou fa’atuatua. O lea, ‘aua ete toe ole atu mo se fa’amagaloga o se agasala ua uma ona fa’amagaloina ai oe; e tusa lava pe afai o lo’o fa’amanatu atu e Satani ia te oe. 

 

Ua uma ona fa’amagalo ma fa’amamaina au agasala uma. Fai mai le Kolose 1:21-22, “O ‘outou fo‘i sa tagata ‘ese anamua, sa fai o ia mo ‘outou li i o ‘outou loto i le amio leaga; a o lenei, ‘ua lelei ‘outou ma ia, i lona tino tagata, ‘ina ‘ua maliu, ‘ina ‘ia tu‘uina atu ‘outou e ia, o le ‘au pa‘ia, e le mata‘uleagaina,‘ua leai fo‘i se mea e fa‘asalaina ai i ona lava luma.” Na tupu lenei mea a e te le’i faia lava o se mea saʻo po o le sese fo’i. O lea, ‘aua e te mafaufau i le agasala. O oe o le amiotonu a le Atua ia Keriso Iesu; tumau ai i le amiotonu. 

 

Tatalo 

 

Tama peleina, ou te faafetai atu mo le auina mai o lou Alo o Iesu Keriso, lea na maliu ma maligi Lona toto mo le fa’amagaloina o aʻu agasala. Ua fa’amamaina ma fa’afouina lo’u tagata. Ua o’u savali fo’i i galuega mae’a a Keriso. Ua le ta’usalaina lo’u tagata. Ua ta’uamiotonuina a’u ma ua ou sa’oloto ai mai le tu’uaʻiga a le tiapolo, i le Suafa o Iesu. Amene. 

 

Su’esu’e Atili:

Roma 8:1; 2 Korinito 5:19-20; Roma 5:7-11 

Faitauga Tusi Paia Mo Le Tausaga e 1

Mataio 5:21-48, Kenese 15-17 

 

Faitauga Tusi Paia Mo Le Tausaga e 2

Galuega 7:22-32, Neemia 10 

Leave comments on today's devotional www.rhapsodyofrealities.org

Share on Facebook
Share on Twitter