Start your day in The Word of God with

Rhapsody of Realities

Our messenger angel, here to give your day a lift!

Ko e ‘Eiki Pule ‘O e ‘Ofa


Sāpate 7

Ko e ‘Eiki Pule ‘O e ‘Ofa

Ko e akonaki eni na’e tuku ki he fānau ‘a ‘Isileli, ko e malanga’aki ‘a e melino ‘ia Sisū Kalaisi: (Ko e ‘Eiki ia ‘o e me’a kotoa pē:) (Ngāue 10:36).

‘Ihe taimi ‘oku ke fakahā ’i ai ‘a Sisū Kalaisi ko e ‘Eiki ho mo’ui, ‘oku Ne hoko ko ho ‘Eiki. ‘O ‘uhinga ‘a e ‘Eiki ko e ‘eikipule, ko e taha ‘oku ha’ana ha me’a. ‘Oku ai ‘a e Kalisitiane ni’ihi ‘oku ‘ikai ke nau ‘ilo eni; ‘oku nau fakakaukau ‘oku ai ‘a Sisū ke tali ‘enau lotu mo foaki kiate kinautolu ha me’a pe ‘oku nau fiema’u. ‘Oku te’eki ke nau ‘ilo’i Ia ko e ‘Eiki. ‘Oku ‘uhinga ‘ene hoko ko e ‘Eiki ho mo’ui, ‘oku ke mo’ui ma’ana; Ko ia ‘a e Tokotaha ‘oku pule ki ho’o mo’ui.

Ko e me’a faka’ofo’ofa kau mo ‘eni he ‘oku ‘ikai ko e tokotaha pule fakatikitato Ia, ‘oku ‘ikai te ne feinga ke ne fakalele ho’o mo’ui pe kaunoa ‘i ho fai fili. ‘Oku ne ‘Eikipule kiate koe ‘i he ‘ofa. Ko e ‘Eikipule ‘a Sisū Kalaisi, ko e ‘Eikipule ‘o e ‘ofa. ‘Oku ‘uhinga ko ho tukulolo ‘i he ‘ofa; ko e ivi ‘ofa ‘a e ‘Otua. Manatu’i, Ko ia ko ‘Ofa. ‘I he taimi na’e hoko ai ‘a Sisū ko e ‘Eiki ‘i ho’o mo’ui, na’e hoko ‘a ‘ofa ko e ‘Eiki ki ho’o mo’ui.

‘Oku ‘ikai ha siokita ‘ia Sisu; ko e fakasino Ia ‘o e ‘ofa ‘a e ‘Otua ne fakahā’i ki he tangata. Ko e ‘ofa mo’ui Ia ‘a e ‘Otua ne fakafisikitu’a kia kitautolu. ‘Oku ‘ikai te ke lava ‘ofa’i koe ‘o laka hake ‘i he ‘ofa ‘a “’Ofa” kiate koe; ‘oku ne veke lahiange ki ho lavame’a ‘o laka hake ho fai kiate koe. Ko e hoko eni ko ho ‘iloloto, ko e ngata’anga ia ‘a ho’o faingata’a’ia.

‘Oku ‘ofa’i koe ‘e Sisu ‘o laka hake ‘i ha’o a’usia fakakaukau. ‘Oku Ne tokanga lahiange ki ho fiefia, fiemālie, mo e fiefia ‘o laka hake ‘iate koe. ‘Oku Ne ‘ilo ‘a e ngaahi me’a’ofa ‘oku ke fiema’u ‘i ho’o mo’ui mo e ngaahi me’a lelei ‘oku ke fiema’u ma’au, pea ‘oku ne hoholi ‘a e lahiange ma’au. Tauhi kiate Ia ‘aki ‘a e kotoa ho mafu. Falala kiate ia ‘aki ho’o mo’ui. He ‘oku ‘ikai ngata pe ‘i he‘ene ‘afio’i ‘a e me’a kotoa fekau’aki mo koe, ‘oku ne ‘ilopau ‘a e me’a kotoa fekau’aki mo ho kaha’u. Ka ‘ikai kau mo koe, ‘e ‘ikai ha kaha’u ma’au.

Fokotu’u ‘a koe ki hono ongo uma tataki pea tuku ke Ne takiekina koe. Tukulolo ki he pule ‘a Hono finangalo, fale’i mo e poto, he ‘oku Ne ‘ofa’i koe ‘aki ‘a e ‘ofa ‘oku ta’engata. Haleluia!

Lotu

‘Apā Tamai, ‘oku ou fakamālo kiate koe ko e ‘Eiki pule ‘a Sisū ki he ‘eku mo’ui; ko e ‘Eikipule ‘a ‘Ene ‘ofa. ‘Oku ou tuku au ki ho uma ‘ofa, ‘ou falala kiate koe ke ke taki mo takiekina au ‘i ho finangalo haohaoa ma’a ‘eku mo’ui. ‘Oku ou ‘a’eva he hala ‘o e lavame’a mo e ikuna pē, ko e ‘uhi ‘oku ‘Eiki ‘a Sisū ‘i he ‘eku mo’ui, ‘i he ‘eku fakakaukau, sino, ngaahi me’a fakapa’anga mo ia kotoa ‘oku fekau’aki pea mo au. Ko Ia ‘a hoku ‘eiki, ‘ofa’anga, mo hoku kaume’a. Kolōlia ki hono Huafa ‘o ta’engata.

Fakalahi Ako:

Sione 3:16; Sione 16:27; Selemaia 31:3

LAU TOHITAPU TA‘U 1

Mātiu 6:1-18 Senesi 18-19

LAU TOHITAPU TA‘U 2

Ngāue 7:33-42 Nehemaia 11

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook