Start your day in The Word of God with

Rhapsody of Realities

Our messenger angel, here to give your day a lift!

Ko e Mo’ui Mātu’aki Fo’ou


Tūsite 9

Ko e Mo’ui Mātu’aki Fo’ou

Ko ia kapau ʻoku ʻia Kalaisi ha taha, ko e fakatupu foʻou ia: kuo mole atu ʻae ngaahi meʻa motuʻa; vakai, kuo hoko ʻo foʻou ʻa e ngaahi meʻa kotoa pē (2 Kolinitō 5:17).

Ko e lea “fanau’i fo’ou” ‘oku ‘ikai ko e lea fakalotu, ‘o pehē ko e kamata fo’ou. ‘Oka ke ‘eke ki ha Kalisitiane ‘oku ne ‘ilo fēfē ‘oku ne fanau’i fo’ou, ‘e tali ‘e he ni’ihi, “’Oku ou ‘ilo kuo u fanau’i fo’ou, koe’uhi ‘oku ‘ikai ke u toe fai ‘a e ko e ngaahi me’a na’a ku fa’a fai. Kuo liliu ‘eku to’onga, pea ko eni, ‘oku kehe ‘eku founga.” ‘Oku laka hake ‘a e fanau’i fo’ou ai. Ko e me’a ne ke ma’u ‘i ho’o fanau’i fo’ou ko e mo’ui mātu’aki fo’ou. ‘Oku ‘ikai ha me’a ko e “’Oku ‘ikai ke u toe fai ‘a e ngaahi me’a na’a ku fa’a fai,” he kuo mate ‘a e tokotaha na’a ne fa’a fai ‘a e me’a ko ia. ‘Oku ‘ikai toe ‘i ai ia.

Ko e taimi ne ke ma’u ai ‘a Kalaisi ‘i ho mo’ui, na’e hoko ‘a e me’a: na’e fakatupu fo’ou ho laumalie. Na’e fanau’i koe mei he Folofola ‘a e ‘Otua pea mei he Laumālie ‘o e ‘Otua. ‘Oku ke ma’u taimi ni ‘a e mo’ui, natula mo e ‘ulungaanga ‘o e ‘Otua. Pea ko e taimi ‘oku ma’u ai ‘e ha tangata ‘a e mo’ui, natula mo e ‘ulungaanga ‘a e ‘Otua, ‘oku ne mo’ui ‘o hangē ko e ‘Otua. Koia, ko e fanau’i fo’ou ko e ma’u mo’oni ‘a e natula ‘o e ‘Otua; ko e hoko ko e kautaha ‘o e fa’ahinga ‘a e ‘Otua.

‘Oku hā ‘ia Loma 6:6, “ʻO ʻilo eni, ko hotau motuʻa tangata kuo tāmateʻi fakataha mo ia, koeʻuhi ke fakaʻauha ʻa e sino ʻo e angahala, koeʻuhi ke ʻoua naʻa tau toe tauhi ʻa e angahala.” Ko ho mo’ui motu’a pē natula na’e ‘ikai fakavaivai pe; kuo mate ia; kuo ke hoko ko e tangata fo’ou; ko e fa’ahinga fo’ou; ko e me’amo’ui na’e ‘ikai ‘imu’a; ko e tokotaha ‘oku ‘ikai hano kuohili. ‘I he lotolotonga ‘o e ‘Otua, ko e ngaahi me’a kotoa na’e ‘akoe kimu’a te’eki te ke fanau’i fo’ou, mo e ngāue kotoa ne ke fai te’eki te ke fanau’i fo’ou ‘oku ‘ikai hano lekooti ‘ona. ‘Oku ‘ikai ko e palōmesi eni. Ko e mo’oni eni ‘i he Tohitapu.

Kapau ‘oku te’eki te ke ‘ilo eni, ‘e lava keke faingata’a’ia koe’uhi ko ho kuohili pē ko e ngaahi angahala na’a ke fai kimu’a pea ke fanau’i fo’ou. Ko e me’a ni, te nau ngaohi koe ke ‘ikai te ke ‘aonga ‘i he ngaahi me’a ‘a e ‘Otua. ‘Ikai, ‘oku ‘ikai ko e angahala koe. Ko e mā’oni’oni koe ‘a e ‘Otua ‘ia Kalaisi Sisū, koe’uhi kuo fanau’i fo’ou koe. ‘Oku fakahā ‘ia 2 Kolinitō 5:21, “He naʻa ne ngaohi ia, ʻaia naʻe ʻikai haʻane angahala, koe feilaulau ʻi he angahala koeʻuhi ko kitautolu; kae hoko ai ʻakitautolu ko e māʻoniʻoni ʻa e ʻOtua ʻiate ia.”

‘A’eva mo e ongo’iloto ko eni ‘o ho mā’oni’oni, mo e mo’ui fo’ou ‘ia Kalaisi: “Pea ko ia, kuo tau tanu fakataha mo ia ʻi he papitaiso ki he mate: koeʻuhi ke hangē hono fokotuʻu ʻa Kalaisi mei he mate ʻe he mālohi ʻo e tamai, ke pehē foki ʻetau felakaʻi ʻi he moʻui foʻou” (Loma 6:4).

Lotu

‘Apā Tamai, ‘oku ou fakamālo kiate koe ko ho Folofola mo e mālohi ‘oku ai ke ngaohi au ke u hokosi ‘a ia ‘oku lea ki ai. ‘Oku ou ma’u ‘a e mo’ui mā’olunga, ‘o ‘a’eva ‘i ho lāngilangi mo e faipule ‘o e Laumālie, he kuo u fanau’i fo’ou. Ko e ngaahi fakangatangata mo e pole ‘o e kuohili, ngaahi faingata’a, mamahi, puke mo e kovi kuo mole atu, pea taimi ni, ‘oku ou mo’ui ikuna, mā’oni’oni, melino mo fiefia ta’engata, ‘i he Huafa ‘o Sisū. ‘Emeni.

Fakalahi Ako:

Kolose 3:9; 2 Kolinitō 5:21

LAU TOHITAPU TA‘U 1

Mātiu 7:7-29, Senesi 23-24

LAU TOHITAPU TA‘U 2

Ngāue 7:54-60, Nehemaia 13

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook