Start your day in The Word of God with

Rhapsody of Realities

Our messenger angel, here to give your day a lift!

Fakakaukau mo Talanoa Tu’umālie


Tokonaki 13

Fakakaukau mo Talanoa Tu’umālie

MOU fakamālō kia Sihova. ʻOku monūʻia ʻa e tangata ʻoku ne manavahē kia Sihova, mo ne fiefia lahi ʻi heʻene ngaahi fekau. ʻE mālohi hono hako ʻi māmani: ko e toʻutangata ʻo e angatonu te nau monūʻia. ʻE ʻi hono fale ʻa e koloa mo e nāunau: pea ʻoku tolonga ʻo taʻengata ʻa ʻene angatonu (Saame 112:1-3).

‘Oku fakakaukau ‘a e ni’ihi ‘oku ‘ikai ma’a e kakai Kalisitiane ‘a e tu’umālie fakapa’anga, ‘oku hala ‘enau ma’u. ́ ‘Oku ai ‘a e toko tolu na’e fakahā ‘e he ‘Otua ‘oku kau mo Ia: ko ‘Epalahame, ‘Aisake, mo Sekope, pea ne nau tu’umālie lahi ‘aupito. ‘Ia ‘Ekisoto 3:6, na’e fakahā ‘e he ‘Otua kia Mosese, “...ko e ʻOtua au ʻo ʻEpalahame, ko e ʻOtua ʻo ʻAisake, pea ko e ʻOtua ʻo Sēkope....” Te ke lau ‘a e talanoa ‘o e toko tolu ni pea te ke ofo ‘i he tu’umālie lahi ‘o ‘enau mo’ui.

‘Oku fakahā kiate kitautolu ‘ia Senesi 13:2 kau mo ‘Epalahame “...na’e koloa’ia ‘aupito ‘a ‘Epalahame ‘i he fanga manu, mo e siliva, mo e koula.” Na’e lave ‘a e Tohitapu kau mo hono foha ko ‘Aisake, “Pea naʻe tupu pe ʻa e tangata (‘Aisake), pea fakaʻaʻau ki muʻa ia, pea ne tupu ʻo lahi ʻaupito. He naʻa ne maʻu ʻa e fanga sipi lahi, mo e fanga manu, mo e kau tamaioʻeiki tokolahi; pea naʻe meheka ʻa e kakai Filisitia kiate ia” (Senesi 26:13-14). Na’e ma’u foki ‘e Sekope ‘a e fakamo’oni tatau; ‘oku fakahā ‘e he Tohitapu, “Pea naʻe tupu ke koloaʻia ʻaupito ʻa e tangata, pea lahi ʻene fanga manu, mo e kau kaunanga, mo e kau tamaioʻeiki, mo e fanga kāmeli, mo e fanga ʻasi” (Senesi 30:43).

‘Oku ‘ikai ma’a e tokosi’i fili pe ‘a e tu’umālie ‘a e ‘Otua; ‘oku ma’a kinautolu kotoa pē ‘oku muimui, mo mo’ui‘aki ‘Ene Folofola. Na’a Ne fakahā ‘ia 3 Sione 1:2, “ʻE ʻofeina, ko e fungani ʻi he meʻa ʻoku ou kolea, ke ke monūʻia, mo moʻui mālōlō, ʻo hangē pe ko e monūʻia ʻo ho laumālie.” Ko koe ko e Kalisitiane, ko e ‘ea koe ‘o e ‘Otua, mo e fanau hoko fakataha mo Kalaisi (Loma 8:17), ‘o ngaohi ai ‘a e tu’umālie ko ho tofi’a. ‘Oku ‘a’au ‘a e koloa kotoa ‘o mamani. Ko e founga eni ‘oku totonu keke fakakaukau ‘aki. ‘Oku fakahā ‘e 1 Kolinitō 3:21 ‘oku ‘a’au ‘a e me’a kotoa pē; tui, fakakaukau, mo talanoa pehē. Ma’u ‘a e ongo’iloto ‘o e ma’u ‘a e me’a kotoa pē mo e koloa’ia lahi.

Kapau ‘i ho’o mo’ui kotoa na’a ke faifeinga ‘i he masiva, hama mo e ‘ikai ha me’a, ‘oku ke fiema’u ‘a e fakakaukau fo’ou; ‘a e tukunga ‘atamai fo’ou. Liliu ho to’onga lea, ‘a ho ‘iloloto, mo ho fakakaukau, pea ‘e liliu ho tu’unga mo’ui. ‘Oku talamai ‘e Loma 12:2, “Pea ‘oua na’a fakatatau ‘a kimoutolu ki he mamani: ka ke mātu’aki liliu ‘a kimoutolu ‘i he fakafo’ou ‘o homou loto (‘atamai)....” Fakakaukau mo talanoa tu’umālie kae ‘oua kuo liukava ho to’onga fakakaukau mo fakafo’ou ‘aki ‘a e ‘atamai faingamālie ‘o e tu’umālie.

Lea‘aki

Koe’uhi ko e hako au ‘o ‘Epalahame, mo e ‘ea ‘o mamani, ‘oku ta’efakangatangata ‘eku tu’umālie, ‘oku ‘a’aku ‘a e me’a kotoa pē! ‘Oku ou fakatoka koula hangē ko e efu, pea ‘oku ou ‘a’eva ‘i he pule’anga ‘o e taulōfu’u, ‘a ia ‘oku fakaai ai kiate au ‘a e me’a lelei kotoa pē, ‘i he Huafa ‘o Sisū. ‘Emeni.

Fakalahi Ako:

‘Isaia 60:11; Sakalaia 1:17; 2 Kolinitō 9:8

LAU TOHITAPU TA‘U 1

Mātiu 10:1-23 Senesi 31-33

LAU TOHITAPU TA‘U 2

Ngāue 9:1-9 ‘Eseta 7-8

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook