Start your day in The Word of God with

Rhapsody of Realities

Our messenger angel, here to give your day a lift!

Ko e Fo’ou ‘o e Mo’ui ‘ia Kalaisi


Tūsite 16

Ko e Fo’ou ‘o e Mo’ui ‘ia Kalaisi

ʻIkai ʻoku mou ʻilo ko kitautolu kotoa pē naʻe papitaiso kia Sisū Kalaisi naʻa tau papitaiso ki heʻene pekia? Pea ko ia, kuo tau tanu fakataha mo ia ʻi he papitaiso ki he mate: koeʻuhi ke hangē hono fokotuʻu ʻa Kalaisi mei he mate ʻe he mālohi ʻo e tamai, ke pehē foki ʻetau felakaʻi ʻi he moʻui foʻou (Loma 6:3-4).

‘Oku faka’ofo’ofa lahi ‘etau folofola ‘o e ‘aho ni. ‘Oku ne kamata ‘aki ‘a e fakahā kuo papitaiso kitautolu kia “Sisū Kalaisi,” kae ‘ikai kia “Kalaisi” pē. ‘Oku ‘uhinga ‘a e “Kalaisi” ki hono sino, ka ko e Sisū Kalaisi ‘oku mālohi lahi ‘o lava keke ‘ilo ai ‘a e fakahā ‘e he Tohitapu, “He ko e ngaahi kupu ‘a kitautolu ‘o hono sino, ‘o hono kakano, mo hono hui” (‘Efesō 5:30). ‘Oku ‘ikai ha toe me’a leleiange ai.

Na’e papitaiso koe keke ‘ia Sisū Kalaisi, ‘o ‘uhinga ‘oku ke ‘iate Ia; fakangoto koe ‘iate Ia. Kuo ke hoko ‘o taha mo Ia ‘o ‘ikai lava ke fakamavahe’i koe meiate Ia: “Ka ko ia kuo hoko ki he ʻEiki, ko e laumālie pe taha” (1 Kolinitō 6:17).

Pea ko eni, ‘oku fakafiefia lahiange ‘a e konga hono ua ‘a e mo’oni na’e ‘ikai papitaiso pē ‘a kitautolu kiate Ia ‘i he’ene pekia, ka na’e fokotu’u fakataha kitautolu mo Ia ki he mo’ui fo’ou. ‘Oku fakahā ‘e he Tohitapu, “Pea ko ia, kuo tau tanu fakataha mo ia ʻi he papitaiso ki he mate: koeʻuhi ke hangē hono fokotuʻu ʻa Kalaisi mei he mate ʻe he mālohi ʻo e tamai, ke pehē foki ʻetau felakaʻi ʻi he moʻui foʻou” (Loma 6:4). Na’e lave ‘a e ‘Aposetolo ko Paula kau mo e pekia ‘a Kalaisi, ka na’e ai foki mo e toetu’u, ‘a ia ko e ikuna mo e lāngilangi ia.

Ko e toetu’u ́ ‘a e me’a ‘oku fakalava ke hoko ai ‘a e mo’ui Kalisitiane. Na’e ‘ikai kamata ‘a e mo’ui Kalisitiane ‘i he pekia ‘a Sisū Kalaisi, he na’e ‘ikai foaki mo’ui ‘Ene pekia; kaekehe, ko e toetu’u, na’a ne ‘ave kitautolu ki he mo’ui fo’ou. Na’e totongi ‘etau ngaahi angahala he’ene pekia, ka na’e ‘ikai foaki ai kiate kitautolu ‘a e mo’ui. Ko e ‘uhinga ia ko e fakamo’ui ‘oku ‘ikai ko e ola ‘o e vete pē ko e fakamo’oni ki he ‘Ene pekia, ka ko ‘Ene toetu’u: “Koeʻuhi kapau te ke fakahā ʻaki ho ngutu ʻa e ʻEiki ko Sisū, pea ke tui ʻi ho loto kuo fokotuʻu ia ʻe he ʻOtua mei he mate, ʻe fakamoʻui koe” (Loma 10:9).

‘Oku ai ‘a e fo’ou ‘o e mo’ui ‘ia Kalaisi; ‘oku ai ‘a e ongo’iloto fo’ou, mo e ‘ilo’i ‘oku hangē ko e toetu’u ‘a Kalaisi mei he mate ko e kolōlia ‘o e Tamai, ‘oku pehē foki, ‘a e totonu keke ‘a’eva ‘i he fo’ou ‘o e mo’ui. ‘Oku ‘uhinga ke ke lau koe kuo ke mavahe mei he mate fakalaumālie. ‘Oku ke ma’u ‘a e mo’ui fo’ou taimi ni; kuo mate ‘a e natula motu’a; ‘oku ‘ikai ha’o toe kuohili; ko e fakatupu fo’ou koe ‘ia Kalaisi Sisū; ko e fakatupu laka hake! ‘A’eva mo e ongo’iloto ko eni. Haleluia!

Lotu

‘Oku ou ‘ilo kohai au; ‘oku ‘ikai ‘o e mamani au, pea ‘oku ‘ikai ko hoku ‘api eni. Ko e fakatupu fo’ou au, laka hake ki he mate; kuo u ha’u mei he mate, pea kuo fakahaohaoa au ‘ia Kalaisi Sisū. ‘Oku ou ‘a’eva ‘i he ‘iloloto ‘o hoku natula fo’ou ‘ia Kalaisi; ‘oku ou kehe mei mamani. ‘Oku mo’ui ‘a Kalaisi ‘iate au; ‘i hoku laumalie, loto, mo e sino, ‘i he Huafa ‘o Sisū. ‘Emeni.

Fakalahi Ako:

Loma 8:1-2; Sione 11:24-26; 2 Kolinitō 5:17

LAU TOHITAPU TA‘U 1

Mātiu 12:1-21 Senesi 38-39

LAU TOHITAPU TA‘U 2

Ngāue 9:32-43 Siope 3-4

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook