Start your day in The Word of God with

Rhapsody of Realities

Our messenger angel, here to give your day a lift!

Faaatoatoaina Outou Ia Te Ia


Aso faraile 19 Faaatoatoaina Outou Ia Te Ia

Aua o loo mau i totonu ia te ia le tumu uma lava o le itu Atua ua i lona tino; o loo ua faaatoatoaina foi outou ia te ia; o le ulu ia o le alii sili uma lava atoa ma faipule (Kolose 2:9-10).

Ia Keriso Iesu, ua mae’a ona faaatoatoaina oe i mea uma lava; ua atoatoa; leai se mea o misi pe le iloa, leai se fa’aleagaina. O le ola lea sa e mauaina mai ia te ia, o se ola mamalu ma le matago e; e leai se alu i luga po’o se alu i lalo. Aleluia!

O lo’o iai tagata, mo se faataitaiga, o lo’o manuia i o latou galuega ae o lo’o fa’aletonu i le tulaga o le soifua maloloina. E iai fo’i isi o lo’o tulaga lelei i le soifua maloloina ma tulaga lelei fo’i i o latou galuega, ae o lo’o fetaia’i o ia ma fa’a tauli i totonu o lona loto. E le o nagalo le Atua e te soifua ma ola i se olaga faapena. E le o nagalo o ia e te mativa i so’o se vaega o lou olaga. Ua ia tuuina mai le atoatoaga o Keriso mo oe; o le faauigaina lena o le fa’aupuga “Atoatoa ia Keriso”.

So’o se tagata ua ia taliaina le feau o le fa’aolataga, e tatau fo’i ona ia molimauina le atoatoaga lea o Keriso, le atoatoaga lea e te manuia ai i so’o se vaega o lou olaga: o lou tino, loto ma le agaga. Ae afai e te le’i molimauina lena tulaga i lou olaga, o lona uiga, e te le’o faamamafaina le atagia o le Upu a le Atua. O lou vaavaai atu lea i le tino mai o lou tagata e pei ona molimauina i le Upu a le Atua. I ni isi faaupuga, faatino le Upu.

Sa tatou faitau ma iloa mai i le tatou mau amata ua fa’aatoatoaina i tatou ia Keriso; ia e vaai i lou tagata e pei ona fetalai mai ai le Upu a le Atua. Tautuana ma oe lenei mea moni. O Keriso i lona atoatoaga o lo’o i totonu ia te oe; e leai se mea e mafai ona toe faatino ia te oe ina e ola ai i le ola mamalu. Fai mai le 2 Peteru 1:4 e faapea, “Ona o lea ua ia folafolaina mai ai o mea e silisili ese lava ma le aoga, ina ia tofusia faatasi ai outou i le amio Atua, ina ua sosola ese outou i le amio leaga o i le lalolagi i le tu’inanau.”

Ua uma ona fa’ataunuuina o fuafuaga uma a le Atua i totonu ia te oe ina ia e ola ai i le olaga ua ia saunia mo oe. E leai se mea matago e e le’o iai i lou ola, e pei o le leai se mea leaga o i totonu ia te oe e le tatau ona ia te oe. Ua atoatoa oe ia te Ia aua e pei o ia, e faapea foi oe i le lalolagi nei (I Ioane 4:17).

Tautinoga

Tama Pele, oute faafetaia oe ona o le ola o Keriso o lo’o i totonu ia te a’u. Ua faaatoatoaina a’u ia Keriso! Ua avea Keriso ma o’u amiotonu, poto ma le faamamaina; aua e pei o ia, e faapea foi a’u i le lalolagi nei. Aleluia!

Su’esu’e Atili:

2 Peteru 1:3 AMPC; 1 Ioane 4:17

Faitauga tusi paia mo le tausaga e 1

Mataio 13:24-43 Kenese 44-45

Faitauga tusi paia mo tausaga e 2

Galuega 10:21-33 Iopu 9-10

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square