Start your day in The Word of God with

Rhapsody of Realities

Our messenger angel, here to give your day a lift!

Upu O Le Faatuatua


Aso toona’i 20

Upu O Le Faatuatua

Aua e moni, ou te fai atu ia te outou, ai se fai atu i lenei mauga, Ia siitia oe, ma ia lafoina i le sami, ma le le masalosalo lona loto, a e peitai e faatuatua ia e taunuu lava mea na ia fai atu ai, ona faia lea mo ia o le mea na te fai atu ai (Mareko 11:23).

Ua molimau le 2 Korinito 4:13 e faapea, “O loo ia te i matou lea lava loto faatuatua, pei ona tusia, Ua ou faatuatua, o le mea lea na ou tautala atu ai; o i matou foi ua matou faatuatua, o le mea lea ua matou tautala atu ai;” O upu o le faatuatua e tatou te tautala iai. O le tatou faatuatua e manumalo ai i tatou i le lalolagi (I Ioane 5:4). E tatou te pulea ma manumalo i le lalolagi mai o tatou tautinoga e faia ma le faatuatua.

O le avea ai o oe ma atalii po’o le afa ne o le Atua, ua fa’ailogaina oe o se tagata manumalo; e le’o oe se tagata faiaina. Ua e manumalo aiai i mea uma lava. Ia fa’atumauina lou manumalo e ala lea i lou tautala pea i upu e tumu i le faatuatua. E iloa go e lou faatuatua i Upu e te tautala ai, e le mafai ona tu’ueseina oe mai au Upu. O mea e tupu ia te oe, ma mea e tupu i lou olaga, e mafua uma mai i au Upu; o le mafuaaga lena e tatau ai ona sa’o Upu e te tauatala ai ma faaleoina ai lou faatuatua.

Ia e malamalama i lenei mea: E le mafai e Satani ona tao o lou manuia, aua ua faiaina o ia. I le Luka 10:18-19, fetalai Iesu, “...Na ou iloa Satani ua pau mai le lagi pei o le uila. Faauta, ou te foai ia te outou le pule e soli ai gata ma akarava, ma le malosi uma o le li; e leai lava se mea e leaga ai outou.” O lo’o faaalia mai i le Kolose 2:15 se ata manino o le manumalo o Iesu ia Satani ma ana vaega au i seoli: “Ua tuueseina e ia o alii sili ma faipule, ona faaalia mai lea o i latou ia iloa uma, ua manumalo o ia ia te i latou i lea lava mea.”

O le mea lea, afai e le’o tala feagai mea o lo’o tutupu i lou ola i le taimi nei ma le ola manumalo lea ua auina mai e Keriso mo oe, o lo’o ia te oe le matafaioi e te faia ai se suiga. ‘Aua e te tagi ma tomumu; a ia fa’aaogaina Upu o le faatuatua e aveese ai oe mai lena tulaga. Masalo o lo’o iai se tulaga faaletonu i lou soifua maloloina, tautala nei ma fai se suiga! Fetalai Iesu e taunuu lava mea e te fai atu ai; o le mea lea, tautala i le Upu. Tautala i lou galuega, lou tamaoaiga, lou aiga; ‘aua lava nei e taliaina le toilalo. Tautino lou manumalo.

O ou fa’amanuiaga o loo i totonu o lou fofoga. ‘Aua e te faasea i le faa tauli, ae ia e tautala i ai. Faatonu nei ma fai se suiga i le Suafa o Iesu, ona faamanuiaina ai lea o oe. Viia le Atua!

Tautinoga

E le’o a’u o se tagatanu’u o lenei lalolagi; o le mea e le afaina ai a’u i mea o tutupu o lenei lalolagi. O lo’o ia te a’u nei le ola manumalo, le ola e le mafai ona fa’aleagaina o le Atua, ma oute savali i lenei malamalama i taimi uma. Oute ola i le manumalo, soifua maloloina, pule ma le amiotonu. O le Upu o le faatuatua ua i lo’u loto ma lo’u gutu, lea oute manumalo ai i faigata uma o lenei olaga. I le Suafa o Iesu,

Su’esu’e Atili:

Iopu 22:28; Failauga 8:4; 1 Timoteo 6:12

Faitauga tusi paia mo le tausaga e 1

Mataio 13:44-14:1-12; Kenese 46-48

Faitauga tusi paia mo tausaga e 2

Galuega 10:34-43; Iopu 11-12

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square