Start your day in The Word of God with

Rhapsody of Realities

Our messenger angel, here to give your day a lift!

Ko e Tali ‘Ene Folofola


Tokonaki 27

Ko e Tali ‘Ene Folofola

ʻOku mamahi ʻa e kau vale koeʻuhi ko ʻenau talangataʻa, pea mo ʻenau ngaahi hia. ʻOku fehiʻa honau laumālie ki he meʻakai kotoa pē; pea ʻoku nau fakaʻaʻau ki he ngaahi matapā ʻo e mate. Pea ʻoku nau toki tangi kia Sihova ʻi heʻenau tuʻutāmaki, pea ʻoku ne fakamoʻui ʻakinautolu mei heʻenau ngaahi mamahi. Naʻa ne fekau ʻene folofola, pea ne fakamoʻui ʻakinautolu, mo ne fakahaofi ʻakinautolu mei heʻenau ngaahi meʻa fakaʻauha (Saame 107:17-20).

Ko e Folofola ‘a e ‘Otua ‘a e mālohi ‘o e ‘Otua. ‘Oku hanga ‘e he mālohi ko ia ‘o ‘omai ‘a e fakamo’ui lelei mo e mo’uilelei ki he tokotaha ‘oku puke. Kapau ‘oku ke ‘i ha lotu ha siasi, ko e fakatātā, ‘o ke ‘i he mālumalu ‘o e ngāue pē mālohi ue’i ‘o e Folofola, pea ke fiema’u ‘a e fakamo’ui-lelei ki ho sino, ‘oku ‘ikai totonu keke fakatatali ki ha taimi kehe ki he lotu. ‘Oku ai ‘a e fakamo’uilelei ma’a koe ‘i he Folofola. ‘Oku kamata ‘a e fakamo’uilelei he momeniti ‘oku ke faka’atā ai ho mafu ke ma’u ‘a e Folofola.

Lau ‘etau folofola ‘o e ‘aho ni; ‘oku ne ‘omai ‘a e fakatātā kovi lahi ‘a kinautolu ‘oku ‘i he faingata’a. Ka ‘oku, tau toe lau foki ‘a e me’a fakaofo mo fakafiemālie he veesi ofi ki he faka’osi. ‘Oku pehē, “Pea ʻoku nau toki tangi kia Sihova ʻi heʻenau tuʻutāmaki, pea ʻoku ne fakamoʻui ʻa kinautolu mei heʻenau ngaahi mamahi.” Na’e founga fēfē hono fakamo’ui ‘a kinautolu ‘e Sihova? Na’a Ne fekau atu ‘Ene Folofola, pea fakamo’ui ‘a kinautolu! Ko ‘Ene tali ki he ‘enau mamahi mo e faingata’a ko ‘Ene Folofola! Ko ‘Ene tali ia ki ha palōpalema ‘oku fehangahangai mo ha taha—ko ‘Ene Folofola!

‘Oku tatau ai pe koeha ‘a e faingata’a, kapau te ke ma’u mo’ou ‘a e Folofola ‘a e ‘Otua, ‘e hoko ‘a e liliu. ‘Oku ngāue eni ki he mahaki, puke, mo e kaungāvaivaia, ‘o hangē ko ‘ene ngāue ki he faingata’a’ia fakapa’anga, tō he ako, palōpalema fakafāmili, mo ha me’a pē. Na’e ‘ikai ke fakahā he’etau veesi ‘o e ‘aho ni na’e fekau atu ‘e he ‘Otua ‘a e lotu ke fakamo’ui kinautolu; koia, na’e ‘ikai ko e lotu. Na’a ‘oku ke foua ‘a e faingata’a he taimi ni ‘i ho sino; ma’u ‘a e Folofola ‘a e ‘Otua ki ho laumalie. Fakahā, “Ko e Laumālie tatau na’e fokotu’u ‘a Sisū mei he mate, ‘oku nofo’ia au, pea foaki ki hoku sino kakano ‘a e mo’ui. ‘Oku hakeaki’i au ‘i he tapa kotoa pē ‘e he Laumālie Mā’oni’oni ‘oku nofo’ia au.”

Tuku tokanga ki he Folofola ‘a e ‘Otua, pea ‘e pau ho fakamo’uilelei ‘o hangē ko e pau ‘a e Folofola. ‘Oku fakahā ‘ia Palōvepi 4:22 (MSG), “Ko kinautolu ‘e ‘ilo ‘a e ngaahi lea ni ‘e mo’ui, mei he tumutumu hoku ‘ulu ki hoku ‘aofi va’e. Kuo fonu ‘a e tapa kotoa ‘o hoku sino ‘i he mo’ui faka’otua, ‘i he Huafa ‘o Sisū. ‘Emeni.”

Lotu

‘Apā Tamai, kuo u ma’u ho Folofola ki hoku laumalie he ‘aho ni, pea kuo fakama’a au mātu’aki fakaivia he tapa kotoa, mei he tumu’aki hoku ‘ulu ki hoku ‘aofi va’e. ‘Oku fakangahū ‘a e tapa kotoa ‘o hoku sino ‘e he mo’ui faka’otua, ‘i he Huafa ‘o Sisū. ‘Emeni.

Fakalahi Ako:

Palōvepi 4:20-22; Sione 15:3; Kolose 3:16

LAU TOHITAPU TA‘U 1

Mātiu 19:1-15 ‘Ekisoto 13-14

LAU TOHITAPU TA‘U 2

Ngāue 13:1-12 Siope 24-25

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook