Start your day in The Word of God with

Rhapsody of Realities

Our messenger angel, here to give your day a lift!

O Lana Upu O Le Tali


Aso toona’i 27

O Lana Upu O Le Tali

O tagata valea ‘ona o lo latou solitulafono, ma la latou amio leaga, ‘ua fa‘atigaina ai i latou; Ua ‘ino‘ino i latou i mea e ‘ai uma lava ‘ua fa‘alatalata fo‘i i latou i faitoto‘a o le oti. ‘Ona alalaga lea o i latou i le ALI‘I i lo latou puapuaga; na ia fa‘aolaina i latou nai o latou tiga. ‘Ua ia ‘auina atu lana a oga ma fa‘amalolo ‘ia i latou, ma laveaiina ai nai lo latou malaia (Salamo 107:17-20).

Ole Upu a le Atua o le mana lea o le Atua. O le mana lea na te gaosiaina le faamalologa ma le soifua maloloina mo le tagata o loo ma’i. O se faata’ita’iga, afai o loo e auai i le sauniga ma o loo laugaina le Upu, ae ua ia te oe se naunautaiga mo se faamalologa mo lou tino, e te le tau faatali mo se taimi o se tatalo faapitoa. O loo i ai le faamalologa mo oe i totonu o le Upu. E amata le faamalologa i le taimi lava e te tatalaina ai lou loto e talia le Upu.

Toe faitau i le tatou mau amata ma le le matagofie o le ata o i latou sa puapuagatia. Ae na tatou toe faitau foi i se mea mata’utia ma le faamafanafana loto i le mau e sosoo ane ai. Fai mai, “‘Ona ‘alalaga lea o i latou i le ALI‘I i lo latou puapuaga; na ia fa‘aolaina i latou nai o latou tiga.” E faapefea ona faaolaina e le Alii i latou? Ua ia auina atu lana Upu, ma faamalolo ia i latou! O lana tali i o latou tiga ma puapuaga, o lana Upu! O lana tali lena i soo se faa tauli lava o loo faafesaga’i ma soo se tasi –o lana Upu!

E tusa lava poo lea le faa tauli, afai e te tao mau i le Upu a le Atua, e i ai le suiga. E aoga mo le ma’i, faama’i, o le leai o se tupe, o le faia’ina i le aoga, faa tauli tau i le aiga, soo se mea lava. Tatou te le i faitau atu i le tatou mau amata o faapea mai na auina atu e le Atua le tatalo e faamaloloina ai i latou; o lea, e le o le tatalo. Atonu o loo i ai ni faa tauli o loo i lou tino i le taimi nei; talia le Upu a le Atua i lou agaga. Ia e faapea atu, “O le Agaga lava lea na faatuina mai Keriso nai e ua oti, o loo nofo i totonu ia te a’u, ma ua faaolaina ai lo’u tino augavale. Ua faaolaina a’u i le Agaga Paia o loo soifua i totonu ia te a’u.”

Faaavanoa sau taimi mo le Upu a le Atua, ona mautinoa lea o lou faamalologa e pei ona mautinoa le Upu. Fai mai le Faataoto 4:22, “aua o ia mea o le ola lea i e ‘ua maua; ma le mea e malolo ai o latou tino uma.”

Tatalo

Tama Peleina, ou te taliaina lau Upu i lo’u agaga i le aso nei, ma ua faamamaina ma faaolaina a’u e amata mai i lo’u tumua’i, se ia oo i le alo o o’u vae. Ua faatumulia lo’u tagata atoa i le ola Atua, i le Suafa o Iesu. Amene.

Su’esu’e Atili:

Faataoto 4:20-22; Ioane 15:3; Kolose 3:16

Faitauga tusi paia mo le tausaga e 1

Mataio 19:1-15 Esoto 13-14

Faitauga tusi paia mo tausaga e 2

Galuega 13:1-12 Iopu 24-25

Leave comments on today’s devotional at www.rhapsodyofrealities.org

#Otherlanguages

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square

Copyright 2020. Christ Embassy Hawaii Non-profit Christian Church |

  • Facebook