Start your day in The Word of God with

Rhapsody of Realities

Our messenger angel, here to give your day a lift!

Ko e Feohi Mo e Folofola

January 30, 2018

 Tūsite 30

Ko e Feohi Mo e Folofola

Kae ʻikai hangē ʻoku maʻu mafai ʻiate kimautolu ke mahalo ki ha meʻa meiate kimautolu; ka ko e maʻu mafai ʻoku mei he ʻOtua; ʻA ia foki kuo ne teuʻi ʻakimautolu ko e kau faifekau faʻa fai ʻo e fuakava foʻou; ʻikai ʻo e mataʻitohi, ka ʻo e laumālie: he ʻoku tāmateʻi ʻe he mataʻitohi, ka ʻoku foaki moʻui ʻe he laumālie (2 Kolinitō 3:5-6).

Ko e Folofola ‘a e ‘Otua ko e laumalie mo e mo’ui; ‘oku laka hake ‘i he mata’itohi: “ʻA ia foki kuo ne teuʻi ʻakimautolu ko e kau faifekau faʻa fai ʻo e fuakava foʻou; ʻikai ʻo e mataʻitohi, ka ʻo e laumālie: he ʻoku tāmateʻi ʻe he mataʻitohi, ka ʻoku foaki moʻui ʻe he laumālie” (2 Kolinitō 3:6). Na’e fakahā ‘e Sisū, “Ko e laumālie ia ʻoku ne fakamoʻui; ʻoku ʻikai hano ʻaonga ʻo e sino: ko e lea ʻoku ou lea ʻaki kiate kimoutolu, ko e laumālie ia pea mo e moʻui” (Sione 6:63). ‘Oku langa ‘a e Folofola, hiki hake, mo liliu ‘a kitautolu mei he nāunāu ki he nāunāu. Ko e ‘uhinga ia ‘oku mau fakamamafa’i ai ‘a e fakalaulauloto ‘i he Folofola ‘a e ‘Otua.

 

‘Oku fiema’u ‘e he ‘Otua ‘akoe ke ke fakalaulauloto ‘i he Folofola, koe’uhi ‘oku Ne ‘ilo’i ‘i ho’o fai ia, ‘e a’u ia ki ho laumalie pea hoko ko ho kakano. ‘E hoko ia ko e “rhema” kiate koe, ‘a ia ko e Folofola fakapatonu ‘a e ‘Otua kiate koe, ‘i he taimi pau. ‘I ho’o ako pē fanongo ki he Folofola ‘a e ‘Otua, ko e taimi kotoa ‘oku ue’i koe ‘i ho laumalie ke lea’aki ha ngaahi lea makatu’unga he me’a ‘oku ke ako pē ako’i koe ai, ‘oua ta’ofi ia. Lea’aki mai ia. Ko e folofola “rhema” ia ‘oku ke fiema’u ki ho’o tau fakalaumālie.

 

Ko e taimi pe ‘oku ke fanongo ai ki he Folofola, ko e ‘Otua ́ ia ‘oku talanoa kiate koe, ka ‘oku ne fiema’u ma’u pē keke fai ha tali ki ai. Ko e founga ia ‘o e feohi mo e Folofola. Ko e feohi mo e Folofola ‘oku mahu’inga ho fai ‘a e tali ki he Folofola ‘i ho’o pē ko e ako’i ‘o koe. ‘Oku ‘ikai ‘ilo ‘e he kau Kalisitiane ni’ihi ‘oku totonu ke nau fai ‘a e tali ki he Folofola; ‘oku nau ako ‘a e Folofola ‘a e ‘Otua ‘o hangē ha’anau lau nusipepa pē ha fanongo talanoa; ‘ikai! Kuo pau keke fakafeohi mo e Folofola. Ko e ‘ātakai ia ‘a e lāngilangi!

 

Kae ‘oua kuo ke feohi mo e Folofola ‘a e ‘Otua, ‘e hoko ‘a e Folofola ko e “muli” kiate koe. Kohai ‘a e Folofola? ‘Oku fakahā ‘e he Tohitapu “NAʻE ʻi he kamataʻanga ʻa e Folofola, pea naʻe ʻi he ʻOtua ʻa e Folofola, pea ko e ʻOtua ʻa e Folofola, Ko ia ia naʻe ʻi he kamataʻanga mo e ʻOtua. Naʻe ngaohi ʻe ia ʻa e meʻa kotoa pē; pea naʻe ʻikai ha meʻa ʻe ngaohi kae ʻiate ia pe” (Sione 1:1-3). Ko e Folofola ko e Tokotaha; fakatokanga’i ko e tokotaha “Ia” ‘i he veesi ‘i ‘olunga; ko Hono Huafa ko Sisū! Ko Ia ‘a Folofola ne Hoko-Tangata; ko Folofola na’e tapanekale ‘i he sino kakano.

 

Lotu

 

‘Apā Tamai, ‘oku ou fakamālo kiate koe ko e foaki kiate au ho Folofola ke u mo’ui ‘aki. Ko e maama ‘a ho’o Folofola ‘oku tataki au, mo fakamaama hoku hala; ‘e ‘ikai ‘aupito te u ‘a’eva ‘i he pō’uli. Pea ‘i he ‘eku ako ‘a ho’o Folofola mo tali ‘a e Folofola, ‘oku ne fakahoko ‘a e ngaahi ola he’eku mo’ui, ‘i he Huafa ‘o Sisū. ‘Emeni.

 

Fakalahi Ako:

Ngāue 20:32; Hepelū 13:5-6; 2 Timote 3:16-17

LAU TOHITAPU TA‘U 1

Mātiu 21:1-32 ‘Ekisoto 18-19

 

LAU TOHITAPU TA‘U 2

Ngāue 13:42-52 Siope 30-31

Leave comments on today’s devotional at www.rhapsodyofrealities.org